ബെംഗളൂരു: കര്ണാടക നിയമസഭ കൗണ്സില് ഉപാധ്യക്ഷനും ജെഡിഎസ് നേതാവുമായ എസ് എല് ധര്മഗൗഡയുടെ (64) മൃതദേഹം റെയില്വേ പാളത്തില് കണ്ടെത്തി. ആത്മഹത്യയാണെന്നാണ് പ്രാഥമിക നിഗമനം. ചിക്കമംഗളൂരുവിലെ റെയില്വേ പാളത്തില് അര്ധരാത്രിയോടെയാണ് മൃതദേഹം കണ്ടെത്തിയത്.
കഴിഞ്ഞ രാത്രി ധര്മഗൗഡയെ വീട്ടില് നിന്ന് കാണാതായിരുന്നു. അന്വേഷണത്തിനിടെയാണ് മൃതദേഹം കണ്ടെത്തിയത്. റെയില്വേ ട്രാക്കില് നിന്ന് ആത്മഹത്യാ കുറിപ്പും കണ്ടെത്തിയതായി റിപ്പോര്ട്ടുണ്ട്. അടുത്തിടെ നിയമസഭാ സമ്മേളനത്തില് ധര്മഗൗഡ അധ്യക്ഷസ്ഥാനം വഹിക്കുന്നതിനെതിരെ കോണ്ഗ്രസ് അംഗങ്ങള് പ്രതിഷേധമുയര്ത്തിയിരുന്നു.
