ആലപ്പുഴ: ജില്ലയിലെ ആദ്യ ചെസ് അക്കാഡമിയായ പ്രൈം ചെസ് അക്കാഡമി ഉദ്ഘാടനം ചെയ്തു. റിലയന്സ് മാളിലെ ഓഡിറ്റോറിയത്തില് ജില്ലാ ഒളിമ്പിക് അസോസിയേഷന് പ്രസിഡന്റ് വി.ജി വിഷ്ണു ഉദ്ഘാടനം നിര്വഹിച്ചു. ജില്ലയിലെ വിവിധ ഭാഗങ്ങളില് നിന്നുള്ള 250 കായിക താരങ്ങള് പങ്കെടുത്ത ചെസ് ടൂര്ണമെന്റും ഇതോടൊപ്പം നടന്നു. ഡോ. കുക്കു അദ്ധ്യക്ഷത വഹിച്ചു. ഡോ.അനൂപ് സ്വാഗതം പറഞ്ഞു. അക്കാഡമി ഭാരവാഹികളായ പ്രവീണ്, ബിബി സെബാസ്റ്റ്യന്, സനില്, സലില് എന്നിവര് സംസാരിച്ചു. നന്നായി കളിക്കുന്ന വിദ്യാര്ത്ഥികള്ക്ക് കൂടുതല് പ്രൊഫഷണലായി മത്സരിക്കാനുള്ള പരിശീലനം ഉറപ്പുവരുത്തുമെന്നും സ്കൂളുകളില് ആവശ്യമായ സഹായങ്ങള് നല്കുമെന്നും വി.ജി.വിഷ്ണു പറഞ്ഞു.
