തിരുവനന്തപുരം : നവകേരളം കര്മ്മ പദ്ധതി ആര്ദ്രം രണ്ടിന്റെ ഭാഗമായുള്ള കേരള ക്യാന്സര് കെയര് സ്യൂട്ടിന്റെ ക്യാന്സര് സ്ക്രീനിംഗ് പോര്ട്ടല് മുഖ്യമന്ത്രി പിണറായി വിജയന് പുറത്തിറക്കി. ആരോഗ്യ വകുപ്പ് മന്ത്രി വീണാ ജോര്ജിന്റെ സാന്നിധ്യത്തിലായിരുന്നു ചടങ്ങ്. കേരള ക്യാന്സര് നിയന്ത്രണ പരിപാടിയുടെ പ്രവര്ത്തനങ്ങള്ക്ക് വേണ്ടിയാണ് ക്യാന്സര് കെയര് പോര്ട്ടല് രൂപകല്പന ചെയ്തത് എന്ന് മന്ത്രി വീണാ ജോര്ജ് ഫേസ്ബുക്ക് പോസ്റ്റില് കുറിച്ചു.
മന്ത്രിയുടെ ഫേസ് ബുക്ക് പോസ്റ്റ് വായിക്കാം….
നമ്മുടെ ആരോഗ്യ മേഖല മറ്റൊരു ചുവടുവയ്പ്പിലേക്ക്. നവകേരളം കര്മ്മ പദ്ധതി ആര്ദ്രം രണ്ടിന്റെ ഭാഗമായുള്ള കേരള ക്യാന്സര് കെയര് സ്യൂട്ടിന്റെ ക്യാന്സര് സ്ക്രീനിംഗ് പോര്ട്ടല് ബഹു. മുഖ്യമന്ത്രി ശ്രീ. പിണറായി വിജയന് പുറത്തിറക്കി. കേരള കാന്സര് നിയന്ത്രണ പരിപാടിയുടെ പ്രവര്ത്തനങ്ങള്ക്ക് വേണ്ടിയാണ് കാന്സര് കെയര് പോര്ട്ടല് രൂപകല്പന ചെയ്തത്.
വാര്ഷിക ആരോഗ്യ പരിശോധനയുടെ ഭാഗമായി ശൈലി ആപ്പ് മുഖേന ഇതുവരെ സ്ക്രീന് ചെയ്ത 37 ലക്ഷത്തിലധികം ആളുകളില് രണ്ടു ലക്ഷത്തി നാല്പ്പത്തിനായിരത്തിലധികം ആളുകളെയാണ് ക്യാന്സര് ക്ലിനിക്കല് സ്ക്രീനിംഗിന് വിധേയമാക്കേണ്ടത്. കുടുംബാരോഗ്യ കേന്ദ്രം, സാമൂഹികാരോഗ്യ കേന്ദ്രം എന്നിവിടങ്ങളിലാണ് ക്ലിനിക്കല് സ്ക്രീനിംഗ് സൗകര്യം ഏര്പ്പെടുത്തിയിട്ടുള്ളത്. ആഴ്ചയില് ഒരു നിശ്ചിത ദിവസം ക്ലിനിക്കല് ബ്രെസ്റ്റ് എക്സാമിനേഷന്, ഓറല് എക്സാമിനേഷന്, പാപ് സ്മിയര് പരിശോധന എന്നിവയാണ് ചെയ്യുന്നത്.
പരിശോധനക്ക് ശേഷം ബയോപ്സി, എഫ്എന്എസി, തുടങ്ങിയവ വേണ്ടവരെ താലൂക് ആശുപത്രികളിലേക്ക് റഫര് ചെയ്യും. താലൂക്ക് ആശുപത്രികളില് ഈ ടെസ്റ്റുകള്ക്ക് വേണ്ട സാമ്പിളുകള് എടുക്കുന്നതിനുള്ള സൗകര്യം ഏര്പ്പെടുത്തിയിട്ടുണ്ട്. സാമ്പിളുകള് ഹബ് ആന്ഡ് സ്പോക്ക് സാമ്പിള് മാനേജ്മെന്റ് സിസ്റ്റം വഴി ജില്ലാ ലാബുകളില് എത്തിച്ചായിരിക്കും പരിശോധന നടത്തുന്നത്. ലാബ്സിസ് പോര്ട്ടല് വഴി പരിശോധനാ ഫലം ലഭ്യമാക്കും. ഡോക്ടര്മാര്ക്കും നഴ്സുമാര്ക്കും ആവശ്യമായ പരിശീലനവും നല്കിയിട്ടുണ്ട്.
ക്യാന്സര് ചികിത്സാ കേന്ദ്രങ്ങളുടെ നേതൃത്വത്തില് തയ്യാറാക്കിയ കാന്സര് കെയര് ഗ്രിഡ് രീതിയിലാവും ക്യാ ന്സര് കണ്ടെത്തുന്നവര്ക്ക് ചികിത്സ നല്കുന്നത്. ഈ പ്രവര്ത്തനങ്ങള്ക്കുള്ള ഓണ്ലൈന് പ്ലാറ്റ്ഫോമാണ് ക്യാ ന്സര് സ്ക്രീനിംഗ് പോര്ട്ടല്. ഇ ഹെല്ത്ത് ടീം ആണ് പോര്ട്ടല് വികസിപ്പിച്ചത്.
നിങ്ങളുടെ ബിസിനസ് / സ്ഥാപനം ബ്രാന്ഡ് ചെയ്യുക
ദിനപ്പത്രങ്ങളിലെ പരസ്യത്തിന്റെ ആയുസ്സ് കേവലം നിമിഷങ്ങള് മാത്രമാണ്, തന്നെയുമല്ല താലൂക്ക് തലത്തിലോ ജില്ല മുഴുവനോ പ്രസിദ്ധീകരിക്കുന്ന ആ ബ്ലാക്ക് ആന്ഡ് വൈറ്റ് പരസ്യത്തിന് നിങ്ങള് നല്കുന്നത് വന് തുകയാണ്. എന്നാല് ഓണ് ലൈന് വാര്ത്താ ചാനലില് നല്കുന്ന പരസ്യം ലോകമെങ്ങും കാണും, ഒരു നിമിഷത്തേക്കല്ല – ഒരു മാസമാണ് ഈ പരസ്യം ഡിസ്പ്ലേ ചെയ്യപ്പെടുന്നത്. അതും വളരെ കുറഞ്ഞ നിരക്കില്.
————————–
ദിവസേന നൂറിലധികം വാര്ത്തകള് പ്രസിദ്ധീകരിക്കുന്ന പത്തനംതിട്ട മീഡിയ (www.pathanamthittamedia.com) ഇന്ന് കേരളത്തിലെ മുന് നിര മാധ്യമങ്ങള്ക്കൊപ്പമാണ്. പത്തനംതിട്ട ജില്ലയിലെ പ്രാദേശിക വാര്ത്തകള്ക്ക് കൂടുതല് പരിഗണന നല്കുന്നതോടൊപ്പം കേരളത്തിലെ വാര്ത്തകളും ദേശീയ – അന്തര്ദേശീയ വാര്ത്തകളും അപ്പപ്പോള് ജനങ്ങളിലേക്ക് എത്തിക്കുന്നുണ്ട്. വാര്ത്തകള് വായിക്കുവാന് ഒരാള് നിരവധി തവണ പത്തനംതിട്ട മീഡിയയില് കയറാറുണ്ട്. ഇങ്ങനെ കയറുന്ന ഓരോ പ്രാവശ്യവും നിങ്ങളുടെ പരസ്യം കാണും, ഇതിലൂടെ നിങ്ങളുടെ ബിസിനസ് / സ്ഥാപനം ബ്രാന്ഡ് ചെയ്യപ്പെടുകയാണ്. ലോകമെങ്ങും എത്തട്ടെ ..നിങ്ങളുടെ പരസ്യം.
———————–
ന്യുസ് പോര്ട്ടലില് പരസ്യം നല്കുവാന് 94473 66263 / 0468 233 3033/ 295 3033 / mail – [email protected]
