പത്തനംതിട്ട : കേരളത്തിന്റെ സാമൂഹിക പുരോഗമന ചരിത്രം അടിസ്ഥാനമാക്കി സംസ്ഥാന സര്ക്കാര് സംഘടിപ്പിക്കുന്ന ചീഫ് മിനിസ്റ്റേഴ്സ് മെഗാ ക്വിസ് മത്സരത്തിലെ സ്കൂള്തല വിദ്യാഭ്യാസ ജില്ലാ മത്സരം വ്യാഴാഴ്ച്ച
(ജനുവരി 22) നടക്കും. വിദ്യാഭ്യാസ ജില്ലയിലെ ക്വിസ് കേന്ദ്രങ്ങളായ പത്തനംതിട്ട കാതോലിക്കേറ്റ് എച്ച്എസ്എസ്, തിരുവല്ല എംജിഎം എച്ച്എസ്എസ് എന്നിവിടങ്ങളില് രാവിലെ 9 മുതല് രജിസ്ട്രേഷന് ആരംഭിക്കും. 11 മുതല് സംസ്ഥാന വ്യാപകമായി മത്സരം നടക്കും. സ്കൂള്തല പ്രാരംഭഘട്ട മത്സരത്തില് വിജയികളായ രണ്ട് ടീമുകള് വീതം വിദ്യാഭ്യാസ ജില്ലാ മത്സരത്തില് പങ്കെടുക്കും.
വിദ്യാഭ്യാസ ജില്ലാതല ഘട്ടത്തില് വിജയിക്കുന്ന 10 ടീമുകള് ജില്ലാതല മത്സരത്തിലേക്ക് യോഗ്യത നേടും. തുടര്ന്ന് ഫെബ്രുവരി മൂന്നാം വാരം ചീഫ് മിനിസ്റ്റേഴ്സ് മെഗാക്വിസ് ഗ്രാന്ഡ് ഫിനാലെ നടക്കും. സ്കൂള്തല ഫൈനല് മത്സരത്തില് ഒന്നാം സ്ഥാനം നേടുന്നവര്ക്ക് അഞ്ച് ലക്ഷം രൂപയും രണ്ടാം സ്ഥാനക്കാര്ക്ക് മൂന്ന് ലക്ഷം രൂപയും മൂന്നാം സ്ഥാനക്കാര്ക്ക് രണ്ട് ലക്ഷം രൂപയുമാണ് സമ്മാനത്തുകയായി ലഭിക്കുക. പങ്കെടുക്കുന്ന എല്ലാ വിദ്യാര്ത്ഥികള്ക്കും പ്രശസ്തി പത്രവും മെമന്റോയും സമ്മാനമായി നല്കും. ചീഫ് മിനിസ്റ്റേഴ്സ് മെഗാക്വിസിന്റെ ആദ്യഘട്ട മത്സരത്തില് ഹൈസ്കൂള്, ഹയര് സെക്കണ്ടറി സ്കൂളുകള് ഉള്പ്പടെ അയ്യായിരത്തോളം വിദ്യാലയങ്ങളിലും വിവിധ ഉന്നത വിദ്യാഭ്യാസ സ്ഥാപനങ്ങളിലും നിന്നായി അഞ്ച് ലക്ഷത്തോളം വിദ്യാര്ത്ഥികള് പങ്കെടുത്തിരുന്നു.
