ബെയ്ജിങ് : ഇന്ത്യയിലെ കടല്‍വിഭവ മൊത്തവ്യാപാരിയായ ബസു ഇന്റര്‍നാഷണില്‍നിന്നുളള ഇറക്കുമതി ഒരാഴ്ചത്തേക്ക് നിരോധിച്ചതായി ചൈനയുടെ കസ്റ്റംസ് ഓഫീസ് അറിയിച്ചു. ഇന്ത്യയില്‍ നിന്ന് ഇറക്കുമതി ചെയ്ത ശീതീകരിച്ച കണവ മത്സ്യത്തിന്റെ മൂന്നു സാമ്പിളുകളില്‍ കൊറോണ വൈറസിന്റെ സാന്നിധ്യം കണ്ടതിനെ തുടര്‍ന്നാണ് നിരോധനം. ഒരാഴ്ചയ്ക്ക് ശേഷം ഇറക്കുമതി സാധാരണനിലയിലാകുമെന്നും ജനറല്‍ അഡ്മിനിസ്‌ട്രേഷന്‍ ഓഫ് കസ്റ്റംസ് ഒരു പ്രസ്താവനയില്‍ പറഞ്ഞു.
