കൊച്ചി: നവരാത്രി മഹോത്സവത്തോടനുബന്ധിച്ച് ചോറ്റാനിക്കര ദേവിക്ഷേത്ര നവരാത്രി മണ്ഡപത്തില് സംഗീതാര്ച്ചന നടത്തി. തിരുവനന്തപുരം ശാസ്തമംഗലം വാനമ്പാടിയുടെ ഗായകരാണ് സംഗീതാര്ച്ചന നടത്തിയത്. തിരുവനന്തപുരം ഗവ വിമന്സ് കോളേജില് നിന്ന് സംഗീതത്തില് ബിരുദം കരസ്ഥമാക്കിയവരുടെ കൂട്ടായ്മയാണ് വാനമ്പാടി. സംഘത്തിലെ പതിമൂന്നോളം വനിത ഗായകരാണ് ശാസ്തമംഗലം സുശീലാമ്മയുടെ നേതൃത്വത്തില് ചോറ്റാനിക്കരയില് സംഗീതാര്ച്ചനയില് പങ്കെടുത്തത്. ആള് ഇന്ത്യാ റേഡിയോയിലും മറ്റും വിവിധ സംഗീത പരിപാടികള് അവതരിപ്പിക്കുന്നവരാണ് വാനമ്പാടിയിലെ ഗായകര്.
