വാഷിങ്ടന് : യുഎസിൽ ക്രിസ്മസ് പരേഡിലേക്ക് വാഹനം ഇടിച്ചുകയറി അഞ്ചു പേര് മരിച്ചു. കുട്ടികള്ക്കടക്കം 20 ഓളം പേര്ക്ക് പരിക്കേറ്റിട്ടുണ്ട്. വിസ്കോന്സെനിലെ മിലുവാകീയില് ഞായറാഴ്ച വൈകിട്ടാണ് സംഭവം. അമിതവേഗത്തില് വന്ന കാര് കാഴ്ചക്കാരിലേക്ക് ഇടിച്ചുകയറുകയായിരുന്നെന്നു പോലീസ് പറഞ്ഞു. സംഭവത്തില് ഒരാള് പിടിയിലായി.
അപകടത്തില്പ്പെട്ടവരെ ആശുപത്രിയില് പ്രവേശിപ്പിക്കുകയും അപകടത്തിനിടയാക്കിയ എസ്.യു.വി കാര് കസ്റ്റഡിയിലെടുത്തെന്നും പോലീസ് അറിയിച്ചു. അതേസമയം മരിച്ചവരുടെ എണ്ണം സംബന്ധിച്ച വിവരം പുറത്തിവിട്ടിട്ടില്ല. സ്ഥിതിഗതികള് നിരീക്ഷിക്കുകയാണെന്നും അന്വേഷണം ആരംഭിച്ചതായും വൈറ്റ് ഹൗസ് വൃത്തങ്ങള് പറഞ്ഞു