മറയൂർ : പട്ടിക്കാട്ടിൽ സ്ത്രീയെ അസഭ്യം പറയുകയും ആക്രമിക്കുകയും ചെയ്ത പ്രതിയെ മറയൂർ പോലീസ് അറസ്റ്റ് ചെയ്തു. പട്ടിക്കാട് സ്വദേശി കാർത്തികേയൻ (22) ആണ് അറസ്റ്റിലായത്. കഴിഞ്ഞ ദിവസം ഉച്ചക്ക് മൂന്നോടെ വീട്ടുമുറ്റത്തെത്തിയ പ്രതി മിനിറ്റുകളോളം അസഭ്യം പറയുകയും വീട്ടിൽനിന്ന് പുറത്തേക്കുവന്ന സ്ത്രീയെ അക്രമിക്കുകയും ചെയ്തതായാണ് പരാതി. പ്രതിയെ ദേവികുളം കോടതിയിൽ ഹാജരാക്കി.
