കൊച്ചി: സ്വര്ണക്കടത്ത് റാക്കന്റിന്റെ ഭീഷണിയെ തുടര്ന്ന് കൊച്ചി കസ്റ്റംസ് പ്രിവന്റീവ് ഓഫീസിന് ഏര്പ്പെടുത്തിയിരുന്ന കേന്ദ്രസേന സുരക്ഷ പിന്വലിച്ചു. ഇനി പോലീസ് സുരക്ഷ മതിയെന്ന കേന്ദ്ര ആഭ്യന്തര മന്ത്രാലയത്തിന്റെ നടപടിയെ തുടര്ന്നാണ് നടപടി. കസ്റ്റംസ് ഉദ്യോഗസ്ഥര്ക്കും സ്വര്ണക്കടത്ത് കേസിലെ പ്രതികള്ക്കും വധഭീഷണി ഉണ്ടെന്ന് ഐബി റിപ്പോര്ട്ട് ചെയ്തിരുന്നു. ഇതിന്റെ അടിസ്ഥാനത്തിലായിരുന്നു കേന്ദ്രസേനയെ സുരക്ഷയ്ക്കായി നിയോഗിച്ചത്.
ഇനി സംസ്ഥാന പോലീസിന്റെ സഹായം തേടിയാല് മതിയെന്നാണ് ആഭ്യന്തര മന്ത്രാലയം അറിയിച്ചിരിക്കുന്നത്. അല്ലെങ്കില് പണം നല്കി സിഐഎസ്എഫിനെ നിയോഗിക്കാമെന്നും കേന്ദ്ര സര്ക്കാരിന്റെ കത്തില് പറയുന്നു. സംഭവത്തില് കസ്റ്റംസ് ഉദ്യോഗസ്ഥര്ക്കിടയില് വന് പ്രതിഷേധമാണ് ഉയരുന്നത്. സുരക്ഷ ആവശ്യപ്പെട്ട് കമ്മീഷണര് വീണ്ടും കേന്ദ്രത്തിന് കത്തയച്ചു.
