പത്തനംതിട്ട : ജില്ലയിലെ കേരള കെട്ടിട നിര്‍മ്മാണ തൊഴിലാളി ക്ഷേമ ബോര്‍ഡില്‍ അംഗത്വം എടുത്തിട്ടുള്ള അംഗതൊഴിലാളികളുടെ ആശ്രിതര്‍ക്ക് (മക്കള്‍, സഹോദരങ്ങള്‍, ഭാര്യ, ഭര്‍ത്താവ്) എന്നിവര്‍ക്ക് കേരളാ ഇന്‍സ്റ്റിറ്റ്യൂട്ട് ഓഫ് ലേബര്‍ ആന്‍ഡ് എംപ്ലോയ്മെന്റിന്റെ(കിലെ) കീഴിലുള്ള സിവില്‍ സര്‍വീസ് അക്കാദമിയില്‍ പ്രിലിമിനറി പരീക്ഷക്കുള്ള കോച്ചിംഗ് ക്ലാസുകള്‍ ആരംഭിക്കുന്നു. ഒക്ടോബര്‍ ഒന്നു മുതല്‍ 2022 മെയ് 31 വരെയാണ് ക്ലാസുകള്‍ നടക്കുന്നത്.
സിവില്‍ സര്‍വീസ് അടിസ്ഥാന യോഗ്യത ബിരുദം. തൽക്കാലം കോഴ്സുകള്‍ ഓണ്‍ലൈനായിട്ടാണ് നടത്തുന്നത്. കൂടുതല്‍ വിവരങ്ങള്‍ക്ക് www.kile.kerala.gov.in
എന്ന വെബ്സൈറ്റ് സന്ദര്‍ശിക്കുക. മേല്‍വിലാസം: കിലെ സിവില്‍ സര്‍വീസ് അക്കാദമി, രണ്ടാം നില, കേരള ലേബര്‍ വെല്‍ഫെയര്‍ ഫണ്ട് ബോര്‍ഡ് ബില്‍ഡിംഗ്, ഉപ്പിടാമൂട് പാലത്തിന് സമീപം, വഞ്ചിയൂര്‍, തിരുവനന്തപുരം- 695 035.ഇ മെയില്‍ – [email protected]” ഫോണ്‍ : 0471 2479966.
