തിരുവനന്തപുരം : കേരളത്തില് പലയിടങ്ങളിലും മഴ ശക്തമാകുന്ന സാഹചര്യത്തില് ജനങ്ങള് അതീവ ജാഗ്രത പാലിക്കണമെന്ന് മുഖ്യമന്ത്രി പിണറായി വിജയന്. സര്ക്കാരും ജില്ലാ ഭരണകൂടവും നല്കുന്ന സുരക്ഷാനിര്ദേശങ്ങള് കര്ശനമായി പാലിക്കാന് അദ്ദേഹം ജനങ്ങള്ക്ക് നിര്ദേശം നല്കി.
അപകട സാധ്യതയുള്ള മേഖലകളില് നിന്നും സുരക്ഷിത സ്ഥാനങ്ങളിലേയ്ക്ക് മാറാന് അദ്ദേഹം ജനങ്ങളോട് ആവശ്യപ്പെട്ടു. ഈ ഘട്ടത്തില് ജനങ്ങളുടെ ജാഗ്രതയും സഹകരണവുമാണ് ഏറ്റവും അനിവാര്യമെന്നും അക്കാര്യങ്ങളില് ആരും ഒരു തരത്തിലും വിട്ടുവീഴ്ച ചെയ്യാതിരിക്കണമെന്നും അദ്ദേഹം പറഞ്ഞു.
