തിരുവനന്തപുരം: കിളിമാനൂര് ആറ്റൂരില് മദ്യലഹരിയില് ഭര്ത്താവ് ഭാര്യയെ കുത്തി കൊലപ്പെടുത്തി. വെള്ളിയാഴ്ച പുലര്ച്ചയാണ് സംഭവം. ഷീജ (50)യെ ഭര്ത്താവ് ഷാനവാസ് കുത്തി കൊലപ്പെടുത്തുകയായിരുന്നു. കുടുംബപ്രശ്നമാണ് കൊലപാതകത്തില് കലാശിച്ചതെന്നാണ് പ്രാഥമികനിഗമനം.
മദ്യപിച്ചെത്തിയ ഷാനവാസും ഭാര്യയുമായി വ്യാഴാഴ്ചയും പ്രശ്നമുണ്ടായിരുന്നു. നിലവിളികേട്ട് ഓടിയെത്തിയ അയല്ക്കാര് ഷീജയെ മെഡിക്കല് കോളജ് ആശുപത്രിയിലെത്തിച്ചെങ്കിലും മരണം സംഭവിച്ചു. ഭര്ത്താവ് ഷാനവാസിനെ കിളിമാനൂര് പോലീസ് കസ്റ്റഡിയിലെടുത്തു.
