തിരുവനന്തപുരം : ഹിന്ദുസ്ഥാന് ലാറ്റക്സ് ലിമിറ്റഡിന്റെ (എച്ച്.എല്.എല്) ലേല നടപടികളില് സംസ്ഥാന സര്ക്കാരുകള്ക്ക് പങ്കെടുക്കാന് സാധിക്കില്ലെന്ന കേന്ദ്ര നിലപാടിനെതിരെ പ്രധാനമന്ത്രിക്ക് കത്തയക്കാന് തീരുമാനം. ഇന്നു ചേര്ന്ന മന്ത്രിസഭാ യോഗത്തിന്റെതാണ് തീരുമാനം. സംസ്ഥാനത്തിനകത്തുള്ള എച്ച്.എല്.എല് സ്ഥാപനങ്ങളുടെ ലേല നടപടികളില് പങ്കെടുക്കാനും സംസ്ഥാനത്തുള്ള ആസ്തികള് ഏറ്റെടുക്കുന്നതിനും കേരള സംസ്ഥാന വ്യവസായ വികസന കോര്പ്പറേഷനെ ചുമതലപ്പെടുത്തി നേരത്തെ ഉത്തരവിറക്കിയിരുന്നു. സംസ്ഥാന സര്ക്കാരുകള്ക്ക് എച്ച്.എല്.എല് ലേല നടപടികളില് പങ്കെടുക്കാന് സാധിക്കില്ല എന്നറിയിച്ച് കഴിഞ്ഞ ദിവസം കേന്ദ്രസര്ക്കാര് കത്ത് നല്കിയിരുന്നു.
