തൃശ്ശൂര്: കൊല്ലം കൊട്ടിയത്ത് ദേശീയപാത 66 ന്റെ ഭിത്തി ഇടിയുകയും റോഡ് തകരുകയും ചെയ്തതില് പ്രതികരിച്ച് മുഖ്യമന്ത്രി. ദേശീയ പാത തകര്ന്നത് സര്ക്കാരിന്റെ പിടലിക്കിടേണ്ടതില്ലെന്ന് മുഖ്യമന്ത്രി പറഞ്ഞു. കേരള സര്ക്കാരിന്റെ തലയിലിടാന് ഒരു വഴിയുമില്ല. ദേശീയപാതയുടെ എല്ലാ കാര്യങ്ങളും നിര്വ്വഹിക്കുന്നത് ദേശീയ പാത അതോറിറ്റിയാണ്. അതിന് കൃത്യമായ സംവിധാനമുണ്ട്. ആ സംവിധാനത്തിലുണ്ടായ പാളിച്ചയാണ് നമ്മുടെ നാട്ടിലെ അനുഭവം. അതാണ് അതോറിറ്റിയെ ചൂണ്ടിക്കാട്ടുന്നത്’, മുഖ്യമന്ത്രി പറഞ്ഞു.
റോഡ് നിര്മ്മിക്കുമ്പോള് അതിന്റെ ഡിസൈന് മുതല് നിര്വഹിക്കുന്നത് ദേശീയ പാത അതോറിറ്റിയാണ്. ദേശീയ പാതയുടെ കാര്യത്തില് പൊതുമരാമത്ത് വകുപ്പിന് ഒന്നും ചെയ്യാന് സാധിക്കില്ല. ഒരിടത്തെ പ്രശ്നം കണ്ട് ദേശീയപാത ആകെ തകരാറിലായി എന്ന് കാണേണ്ടതില്ലെന്നും മുഖ്യമന്ത്രി വിശദീകരിച്ചു.
