തിരുവനന്തപുരം : പ്രണയം നിരസിച്ചതിന് പെണ്കുട്ടികളെ കൊലപ്പെടുത്തുന്നത് ഗൗരവതരമെന്ന് മുഖ്യമന്ത്രി പിണറായി വിജയന്‍. മാനസയുടെ കൊലപാതകം ഞെട്ടിക്കുന്നതാണ്. പ്രണയം നിരസിക്കുന്നതിന് പെണ്കുട്ടികളെ ശല്യം ചെയ്താല്‍ കര്ശന നടപടിയുണ്ടാകും. ഇക്കാര്യത്തില് അതീവ ജാഗ്രത ആവശ്യമാണെന്നും മുഖ്യമന്ത്രി നിയമസഭയില് പറഞ്ഞു.
അതിവിപുലമായ ചതിക്കുഴികള്‍ ഒരുക്കി ചിലര്‍ പെണ്‍ക്കുട്ടികളെ ചതിയില്‍ വീഴ്ത്തുന്നു. കുട്ടികള്‍ മായാലോകത്തിലാണ്. അടച്ചിട്ട മുറികളില്‍ ഇന്‍റര്‍നെറ്റ് ഉപയോഗം അനുവദിക്കരുത്. സൈബര്‍ ചതിക്കുഴയില്‍ വീണവരെ രക്ഷപെടുത്തേണ്ടതുണ്ട്. വ്യാജ ഐഡികള്‍ ഉപയോഗിച്ച്‌ കബളിപ്പിക്കുന്നതില്‍ നിയമനടപടിക്ക് പരിമിതിയുണ്ട്. ആ ദൗര്ബല്യം പരിശോധിക്കുമെന്നും മുഖ്യമന്ത്രി പറഞ്ഞു.
