റാന്നി : തിരിക്കേറിയ റോഡില് വൈദ്യുതി ലൈനിനു മുകളില് തെങ്ങ് കടപുഴകി വീണു. വൈദ്യുതി വിതരണം തടസ്സപ്പെട്ടു. തൂണുകള് ഒടിഞ്ഞു വീഴാത്തതിനാലും വൈദ്യുതി ഓഫായതിനാലും വലിയ അപകടം ഒഴിവായി. തിരക്കേറിയ ചേത്തയ്ക്കല്-കൂത്താട്ടുകുളം എം.എല്.എ റോഡില് കണ്ണങ്കരയ്ക്കു സമീപം ഇന്നു രാവിലെയാണ് സംഭവം. 11കെവി വൈദ്യുതി ലൈനിലേക്കാണ് സമീപത്തെ പുരയിടത്തില് നിന്ന തെങ്ങു മൂടോടെ പിഴുതു വീണത്. പത്തുമണിയോടെ സ്ഥലത്തെത്തിയ വൈദ്യുതിവകുപ്പു ജീവനക്കാര് തെങ്ങു മുറിച്ചു നീക്കി വൈദ്യുതി വിതരണം പുനസ്ഥാപിച്ചു.
