കാസര്ഗോഡ് : ഹൊസങ്കടിയില് മോഷണം പോയ അയ്യപ്പ വിഗ്രഹം കണ്ടെത്തി. ക്ഷേത്രത്തിനു സമീപത്തെ കുറ്റിക്കാട്ടില് നിന്നാണ് വിഗ്രഹം കിട്ടിയത്. ഭണ്ഡാരവും സമീപത്തു നിന്നും കിട്ടി. ഇന്ന് രാവിലെയാണ് മഞ്ചേശ്വരം ഹൊസങ്കടി ശ്രീ അയ്യപ്പ ക്ഷേത്രത്തില് കവര്ച്ച നടന്ന വിവരം പുറത്തറിയുന്നത്. പുലര്ച്ചെ പൂജാരി അമ്പലത്തില് എത്തിയപ്പോഴാണ് മോഷണം നടന്ന കാര്യം ശ്രദ്ധയില് പെട്ടത്. മഞ്ചേശ്വരം പോലീസ് സ്ഥലത്തെത്തി അന്വേഷണം ആരംഭിച്ചു. പ്രധാന വാതിലിന്റെപൂട്ട് പൊളിച്ച് അകത്തു കടന്ന ശേഷം ശ്രീകോവില് വാതില് കൂടി കുത്തി തുറന്നാണ് മോഷണം നടന്നത്. ജന്മാഷ്ടമി ദിവസത്തെ കാണിക്ക വരവും ഭണ്ഡാരത്തിലുണ്ടായിരുന്നു.
