പത്തനംതിട്ട : ജില്ലയിലെ സാധാരണക്കാരായ വിദ്യാർഥികൾ പഠിക്കുന്ന സെൽഫ് ഫിനാൻസിംഗ് കോളേജുകളിൽ സെമസ്റ്റർ ഫീസ് ഉടനെ അടച്ചില്ലെങ്കില് പഠിക്കുവാന് അനുവദിക്കില്ലെന്ന മാനേജ്മെന്റ് തീരുമാനത്തിനെതിരെ പ്രതിഷേധവുമായി മുസ്ലിം സ്റ്റുഡന്റ്സ് ഫെഡറേഷന്.
രക്ഷിതാക്കൾക്ക് ജോലിക്ക് പോകാൻ പറ്റാത്ത അവസ്ഥയാണ് നിലവിലുള്ളത്. ഈ സാഹചര്യത്തിൽ സ്വകാര്യ കോളേജുകളും സർക്കാർ സൊസൈറ്റിയുടെ കീഴിലുള്ള ഉള്ള സ്ഥാപനങ്ങളും വിദ്യാര്ത്ഥികളുടെ ഫീസ് അടക്കുവാന് നിര്ബന്ധിക്കുന്നത് ശരിയല്ല. ആഗസ്റ്റ് എട്ടിന് മുമ്പ് ഫീസ് അടക്കണമെന്ന അന്ത്യശാസനമാണ് കോളേജ് അധികൃതര് നല്കിയിട്ടുള്ളത്. ഫീസ് അടക്കുന്നതിന് സാവകാശം നല്കുകയോ തവണകളായി അടക്കുന്നതിന് അനുവദിക്കുകയോ വേണമെന്ന് എം.എസ്.എഫ് ജില്ലാ പ്രസിഡന്റ് ഫിറോസ് വായ്പൂർ, ജനറൽ സെക്രട്ടറി തൗഫീഖ് കൊച്ചുപറമ്പിൽ എന്നിവർആവശ്യപ്പെട്ടു.
