പത്തനംതിട്ട : ജില്ല ശിശുക്ഷേമ സമിതിയുടെ നേതൃത്വത്തിൽ പത്തനംതിട്ടയിൽ ശിശുദിനറാലിയും പൊതുസമ്മേളനവും നടന്നു. നവംബർ 14ന് രാവിലെ എട്ടിന് കളക്ട്രേറ്റ് അങ്കണത്തിൽ എ.എസ്.പി ബിനു ആർ. പതാക ഉയർത്തി. കളക്ട്രേറ്റ് അങ്കണത്തിൽ നിന്നാരംഭിച്ച ശിശുദിനറാലി ജില്ല പഞ്ചായത്ത് പ്രസിഡൻ്റ് രാജി പി. രാജപ്പൻ ഫ്ളാഗ് ഓഫ് ചെയ്തു. ശിശുദിനറാലി സെൻട്രൽ ജംഗ്ഷൻ വഴി പത്തനംതിട്ട മാർത്തോമ ഹയർ സെക്കണ്ടൻ്ററി സ്കൂളിൽ സമാപിച്ചു. തുടർന്ന് നടക്കുന്ന പൊതുസമ്മേളനത്തിൽ കുട്ടികളുടെ പ്രസിഡൻ്റ് ലാവണ്യ അജീഷ് (കോഴഞ്ചേരി സെൻ്റ് തോമസ് ഗേൾസ് ഹൈസ്കൂൾ) അദ്ധ്യക്ഷത വഹിച്ചു. കുട്ടികളുടെ പ്രധാനമന്ത്രി നിയതി ജെ. (തോട്ടുവ ഗവ. എൽ.പി.എസ്) പൊതു സമ്മേളനം ഉദ്ഘാടനം ചെയ്തു. കുട്ടികളുടെ സ്പീക്കർ ലാവണ്യ എസ്. ലിനേഷ് (കോന്നി ഗവ. ഹൈസ്ക്കൂൾ) മുഖ്യപ്രഭാഷണം നടത്തി. ജില്ല കളക്ടർ എസ്. പ്രേം കൃഷ്ണൻ ഐ.എ.എസ് ശിശുദിന സന്ദേശം നടത്തി. ശിശുക്ഷേമ സമിതി ജില്ല വൈസ് പ്രസിഡൻ്റ് അജിത് കുമാർ ആർ.ശിശുദിന സ്റ്റാമ്പ് പ്രകാശനം ചെയ്തു. പ്രിൻസിപ്പൽ ജിജി മാത്യൂ സ്കറിയ, ഹെഡ്മിസ്ട്രസ് അജി എം.ആർ എന്നിവർ സമ്മാനങ്ങൾ വിതരണം ചെയ്തു.
സെക്രട്ടറി ജി.ജി.പൊന്നമ്മ, ജില്ല ജോയിൻ്റ് സെക്രട്ടറി സലിം പി ചാക്കോ, ട്രഷറാർ ദീപു ഏ.ജി, ദക്ഷ റ്റി.ദീപു, എസ്.മീരാ സാഹിബ്, റെജി കെ.ജി, ദക്ഷ റ്റി ദീപു (അട്ടച്ചാക്കൽ ഗവ.എൽ.പി.എസ്) സ്വാഗതവും ആദികേശ് വിഷ്ണു (കാരംവേലി ഗവ. എൽ.പി.എസ് ) നന്ദിയും പറഞ്ഞു. ശിശുദിനാഘോഷങ്ങൾക്ക് മുന്നോടിയായി കോഴഞ്ചേരിയിൽ നടന്ന വർണ്ണോസവ വിജയികൾക്കും ഏറ്റവും കൂടുതൽ പോയിൻ്റ് നേടിയ പന്തളം എൻ.എസ്. എസ് ഇംഗ്ലീഷ് മീഡിയം യു.പി.എസ് ( ഒന്നാം സ്ഥാനം ), തോട്ടുവ ഗവ. എൽ.പി.എസ് (രണ്ടാം സ്ഥാനം), കാരംവേലിഗവഎൽ.പി.എസ് (മുന്നാംസ്ഥാനം) സ്കൂളുകൾക്ക് ക്ലീൻ്റിൻ്റെ പേരിലുള്ള
ട്രോഫികളും, ശിശുദിനറാലിയിൽ കൂടുതൽ കുട്ടികളെ പങ്കെടുപ്പിച്ച പത്തനംതിട്ട മാർത്തോമ ഹയർ സെക്കണ്ടൻ്ററി സ്കൂൾ (ഒന്നാം സ്ഥാനം) , പത്തനംതിട്ട സെൻ്റ് മേരീസ് ഹൈസ്ക്കൂൾ ( രണ്ടാം സ്ഥാനം ) , പത്തനംതിട്ട കാതോലിക്കേറ്റ് ഹൈസ്കൂൾ (മൂന്നാം സ്ഥാനം) ട്രോഫികളും
ചടങ്ങിൽ വിതരണം ചെയ്തു.
