തിരുവല്ല: സംസ്ഥാന സർക്കാരിന്റെ നിർദ്ദേശ പ്രകാരം തലവടി ഗ്രാമപഞ്ചായത്തിന്റെ നേതൃത്വത്തിൽ തിരുപനയനൂർ കാവ് ദേവി ക്ഷേത്രത്തിൽ പ്രവർത്തിച്ചു വരുന്ന കമ്മ്യൂണിറ്റി കിച്ചണ് ഈസ്റ്റർ ദിനത്തില് കൂടുതല് സജീവമായി. 150 പേർക്ക് ഭക്ഷണപൊതി വിതരണം ചെയ്യുന്നതിനാവശ്യമായ സാധനങ്ങൾ സൗഹൃദ വേദി എത്തിച്ചിരുന്നു.
ബ്രഹ്മശ്രീ ആനന്ദൻ പട്ടമന നമ്പൂതിരി ആദ്യ പൊതിയിലേക്ക് ഭക്ഷണം വിളമ്പി. ഗ്രാമപഞ്ചായത്ത് പ്രസിഡന്റ് അഡ്വ. ജനൂബ് പുഷ്പാകരൻ , വികസനകാര്യ സ്ഥിരം സമിതി അധ്യക്ഷൻ പി.കെ. വർഗ്ഗീസ്, അജിത്ത് കുമാർ പിഷാരത്ത്, മണിദാസ് , അനിരുപ് എം , സൗഹൃദ വേദി ചെയർമാൻ ഡോ. ജോൺസൺ വി. ഇടിക്കുള, സെക്രട്ടറി വിൻസൺ പൊയ്യാലുമാലിൽ, ട്രഷറാർ സുരേഷ് പരുത്തിക്കൽ ,സി.പി.എം ലോക്കൽ കമ്മിറ്റി അംഗം സുധീർ കെ.കെ എന്നിവർ ചേർന്ന് ഭക്ഷണം പൊതിയാക്കി. സി.ഡി.എസ് ചെയർപെഴ്സൻ രത്നമ്മ ഗോപി, കെ.ടി.നന്ദകുമാർ കലവറശേരിൽ എന്നിവരുടെ നേതൃത്വത്തിൽ ഉള്ള 6 അംഗ സംഘം പാചകം ചെയ്യുന്ന ഭക്ഷണം സന്നദ്ധ പ്രവർത്തകർ ആണ് 15 വാർഡുകളിലും ഭവനത്തിലെത്തി നിരാലംബർക്ക് നല്കിയത്.
