ന്യൂഡല്ഹി : രാജ്യത്ത് കോവിഡ് സമൂഹ വ്യാപനത്തിലേക്ക് കടന്നുകഴിഞ്ഞതായി ഇന്ത്യന് മെഡിക്കല് അസോസിയേഷന്. സ്ഥിതി വളരെ മോശമാകുമെന്നും രോഗവ്യാപനം രൂക്ഷമാകുമെന്നും ഐഎംഎ ഹോസ്പിറ്റല് ബോര്ഡ് ഓഫ് തലവന് ഡോ.വി.കെ.മോംഗ പറഞ്ഞു.
ഓരോ ദിവസവും 30,000 ത്തിന് എന്ന രീതിയില് കേസുകളുടെ എണ്ണം വര്ധിച്ചുവരികയാണ്. കേസ് വര്ധനവുമായി ബന്ധപ്പെട്ട് നിരവധി ഘടകങ്ങളുണ്ടെങ്കിലും മൊത്തത്തില് ഇത് ഇപ്പോള് ഗ്രാമപ്രദേശങ്ങളിലേക്ക് വ്യാപിക്കുന്നു. ഇപ്പോഴത് സമൂഹ വ്യാപനം കാണിക്കുന്നുവെന്നും ഡോ.മോംഗ പറഞ്ഞു. ഇന്ത്യയില് ഇതുവരെ സമൂഹ വ്യാപനം സംഭവിച്ചിട്ടില്ലെന്ന് കേന്ദ്ര ആരോഗ്യ മന്ത്രാലയത്തിന്റെ ആവര്ത്തിച്ചുള്ള അവകാശവാദങ്ങള്ക്കിടെയാണ് വിദഗ്ദ്ധരുടെ ഈ വിലയിരുത്തല്.
