കൊച്ചി: ഡ്യൂട്ടിക്കിടെ കൊല്ലപ്പെട്ട ഡോ. വന്ദന ദാസിന്റെ കുടുംബത്തിന് ഒരു കോടി രൂപ നഷ്ടപരിഹാരം നല്കണമെന്ന് ആവശ്യപ്പെട്ടുളള ഹര്ജിയില് മുഖ്യമന്ത്രിയുടെ ഓഫീസിന് നോട്ടീസ് അയച്ച് ഹൈക്കോടതി. അഭിഭാഷകരായ സി രാജേന്ദ്രന്, ബികെ ഗോപാലകൃഷ്ണന്, ശ്രീവിദ്യ ആര് എസ് എന്നിവരാണ് ഹര്ജിയുമായി കോടതിയെ സമീപിച്ചത്. വന്ദനയുടെ കുടുംബത്തിന് ഒരുകോടി രൂപ നഷ്ടപരിഹാരമായി നല്കാന് സര്ക്കാരിന് നിര്ദേശം നല്കണമെന്നാണ് ഇവര് ആവശ്യപ്പെട്ടിരുന്നത്.
ആക്ടിങ് ചീഫ് ജസ്റ്റിസ് എസ് വി ഭട്ടി, ജസ്റ്റിസ് ബസന്ത് ബാലാജി എന്നിവരടങ്ങിയ ബെഞ്ചാണ് ഹര്ജി പരിഗണിച്ചത്. കോടതി നേരത്തെ സ്വമേധയാ എടുത്ത കേസിനൊപ്പം ഈ ഹര്ജിയും ചേര്ക്കാനും ഹൈക്കോടതി നിര്ദേശം നല്കി. മെയ് 10 നാണ് ഡോക്ടര് വന്ദന അതിദാരുണമായി കൊല്ലപ്പെട്ടത്. കൊട്ടാരക്കര താലൂക്ക് ആശുപത്രിയില് ചികിത്സക്കായി പോലീസ് കൊണ്ടുവന്ന സന്ദീപ് എന്നയാളാണ് ഡ്യൂട്ടിയിലുണ്ടായിരുന്ന ഡോക്ടര് വന്ദനയെ കുത്തിക്കൊലപ്പെടുത്തിയത്.
