ചെങ്ങന്നൂര് : സോഷ്യല് മീഡിയായില്കൂടി മന്ത്രി സജി ചെറിയാനെയും ബി.ജെ.പി നേതാവ് ബി.കൃഷ്ണകുമാറിനേയും അവഹേളിക്കുന്നതിനെതിരെ ചെങ്ങന്നൂര് ഡി.വൈ.എസ്.പി ഡോ.ആര്.ജോസിന് പരാതിനല്കി. കഴിഞ്ഞദിവസം ചെങ്ങന്നൂര് കിഴക്കേനട ക്ഷേത്രത്തിന് മുന്നില് വെച്ച് ബി.ജെ.പി നേതാവവും സുരേഷ് കുമാര് എന്നൊരാളും തമ്മില് വാക്കേറ്റവും അടിപിടിയും നടന്നിരുന്നു. പിന്നീട് സംഘടനാ നേതാക്കള് ഇടപ്പെട്ട് ആപ്രശ്നം അന്നുതന്നെ പറഞ്ഞ് തീര്ത്തിരുന്നു.
ഈ പ്രശ്നത്തെ മുതല് എടുത്തുകൊണ്ട് തിരുവല്ല താലൂക്കില്, കോയിപ്രം വില്ലേജില് പുല്ലാട് പൂവ്വത്തുംമൂട്ടില് സുനില് പുല്ലാടും ചെങ്ങന്നൂര് ആലാ സ്വദേശി റ്റി.ഡി പ്രകാശ് എന്ന ആളും സോഷ്യല് മീഡിയായില് കൂടി ബി.കൃഷ്ണകുമാറിനേയും മന്ത്രി സജി ചെറിയാനെയും ജനമദ്ധ്യത്തില് നാണം കെടുത്തുന്ന രീതിയിലും അവഹേളിക്കുന്ന രീതിയിലും പോസ്റ്റിടുന്നതിനെതിരെ ബി.ജെ.പി നേതാവ് ബി.കൃഷ്ണകുമാര് ചെങ്ങന്നൂര് ഡി.വൈ.എസ്.പിക്ക് പരാതിനല്കി. സി.പി.എമ്മിലും ബി.ജെ.പിയിലും ഇത് വളരെ ഗൗരവമേറിയ ചര്ച്ച ആയിട്ടുണ്ട്.
