തിരുവനന്തപുരം : കൊവിഡ് വ്യാപനവുമായി ബന്ധപ്പെട്ട് നിലവിലെ സാഹചര്യം ചര്ച്ച ചെയ്യാന് സര്വകക്ഷിയോഗം വിളിക്കണമെന്ന് പ്രതിപക്ഷ നേതാവ് രമേശ് ചെന്നിത്തല. കൊവിഡുമായി ബന്ധപ്പെട്ട് ഒന്നും പ്രതിപക്ഷ കക്ഷികളുമായി ആലോചിക്കുന്നില്ല. നിലവിലുള്ള സാഹചര്യം ചര്ച്ച ചെയ്യാന് സര്ക്കാര് തയ്യാറാകണമെന്നും രമേശ് ചെന്നിത്തല ആവശ്യപ്പെട്ടു.
മുഖ്യമന്ത്രി പിണറായി വിജയന്റെ പിടിവാശിയും ദുര്വാശിയുമാണ് എസ്എസ്എല്സി, ഹയര്സെക്കന്ഡറി പരീക്ഷകള് നിശ്ചയിച്ച തീയതികളില് നടത്താനുള്ള തീരുമാനത്തിനു പിന്നില്. ഇതിലൂടെ ആയിരക്കണക്കിന് വിദ്യാര്ഥികളെ കുരുതി കൊടുക്കുകയാണെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന് ആരോപിച്ചു. സാമൂഹിക അകലം പാലിച്ച് ഇത്രയും അധികം കുട്ടികള് എങ്ങനെ സ്കൂളുകളിലെത്തും. ആരോഗ്യവിദഗ്ധരുമായി ആലോചിച്ചാണോ തീരുമാനമെടുത്തതെന്നും മുല്ലപ്പള്ളി ചോദിച്ചു. പരീക്ഷ മാറ്റിവെയ്ക്കാന് സര്ക്കാര് തയാറാകണമെന്നും അദ്ദേഹം ആവശ്യപ്പെട്ടു. ദുരിതകാലത്ത് സര്ക്കാര് ജനങ്ങളെ കൊള്ളയടിക്കുകയാണ്. ബസ് ചാര്ജ് വര്ധന പിന്വലിക്കണമെന്നും മുല്ലപ്പള്ളി സര്ക്കാരിനോട് ആവശ്യപ്പെട്ടു.