പത്തനംതിട്ട : പോലീസിന്റെ ലഹരിവിരുദ്ധ കാംപയിൻ ‘യോദ്ധാവി’ ന്റെ ഭാഗമായി വടശ്ശേരിക്കര മോഡൽ റെസിഡൻഷ്യൽ സ്കൂളിലെ വിദ്യാർഥികൾക്കായി ബോധവൽക്കരണ ക്ലാസ്സ് നടത്തി. പ്ലസ് വൺ പ്ലസ് ടു വിദ്യാർഥികൾക്ക് വേണ്ടി നടത്തിയ ക്ലാസ്സ് പെരുനാട് പോലീസ് സ്റ്റേഷനിലെ എ എസ് ഐ റെജിതോമസ് നയിച്ചു. ഇന്ന് രാവിലെ സ്കൂളിൽ നടന്ന പരിപാടിയിൽ പ്രിൻസിപ്പൽ സുന്ദരേശൻ അധ്യക്ഷനായിരുന്നു. ബിന്ദുമോൾ പി ജോർജ്ജ് സ്വാഗതവും രജനി എസ് രേണുക കൃതജ്ഞതയും പറഞ്ഞു. ലഹരിവസ്തുക്കളുടെ ദോഷവശങ്ങൾ തുടങ്ങിയ കാര്യങ്ങൾ ക്ലാസ്സിൽ ചർച്ചചെയ്യപ്പെട്ടു. മഹിളാ സമഖ്യ സൊസൈറ്റി ജില്ലാ റിസോഴ്സസ് പേഴ്സൺ, സ്കൂൾ എൻ എസ് എസ് ഇൻചാർജ്ജ് റജി, സ്റ്റേഷൻ ജനമൈത്രി ബീറ്റ് ഓഫീസർ പ്രേംജിത്ത് തുടങ്ങിയവർ ആശംസകൾ നേർന്നു.
