റാന്നി : റാന്നി ബ്ലോക്ക് ക്ഷീര വികസന വകുപ്പ്, ഇടമൺ വാകത്താനം ക്ഷീരോൽപാദക സഹകരണ സംഘം എന്നിവയുടെ സംയുക്ത ആഭിമുഖ്യത്തിൽ നടത്തിയ കർഷക സമ്പർക്ക പരിപാടി പഴവങ്ങാടി ഗ്രാമപഞ്ചായത്ത് പ്രസിഡന്റ് അനിത അനിൽകുമാർ ഉദ്ഘാടനം ചെയ്തു. മേന്മയുള്ള പാൽ ഉൽപാദനം, ക്ഷീര കർഷക ക്ഷേമനിധി ആനുകൂല്യങ്ങൾ, ക്ഷീര വികസന വകുപ്പ് നടപ്പിലാക്കുന്ന വിവിധ പദ്ധതികൾ തുടങ്ങിയ വിഷയങ്ങള് ക്ഷീര വികസന വകുപ്പിൽ നിന്നുള്ള വിദഗ്ധർ ക്ലാസ് എടുത്തു. ക്ഷീര സംഘം പ്രസിഡന്റ് എന്.ജി മോഹനൻ പിള്ള അധ്യക്ഷത വഹിച്ചു. പഞ്ചായത്തംഗങ്ങളായ സൗമ്യ ജി നായർ, എം.ജി ശ്രീകുമാർ, ജെ. സജീഷ് കുമാർ, പി.വി പ്രശാന്ത്, ജേക്കബ് മാത്യു എന്നിവര് പ്രസംഗിച്ചു.
