പത്തനംതിട്ട : അന്താരാഷ്ട്ര വിധവാ ദിനത്തോടനുബന്ധിച്ച് പത്തനംതിട്ട മുൻസിപ്പാലിറ്റി സിഡിഎസ് ആന്റ് ജെൻഡർ റിസോഴ്സ് സെന്ററിന്റെ നേതൃത്വത്തിൽ പത്തനംതിട്ട നഗരസഭ പതിനാറാം വാർഡിൽ വിധവാ സംഗമവും പഠന ക്ലാസ്സും നടത്തി. നഗരസഭ ആരോഗ്യകാര്യ സ്ഥിരം സമിതി അധ്യക്ഷൻ ജെറി അലക്സ് ഉദ്ഘാടനം ചെയ്തു. സി. ഡി. എസ്സ്. മെമ്പർ സന്ധ്യ പനക്കൽ അധ്യക്ഷത വഹിച്ചു. പത്തനംതിട്ട സോഷ്യൽ ജസ്റ്റിസ് ഓഫീസിലെ ഓർഫനേജ് കൗൺസിലർ സതീഷ് തങ്കച്ചൻ ക്ലാസ്സ് നടത്തി. കുടുംബശ്രീ സി. ഡി. എസ്സ്. ചെയർപേഴ്സൺ പൊന്നമ്മ ശശി, കമ്മ്യൂണിറ്റി കൗൺസിലർ രാജു എം. നായർ, മുൻ കൗൺസിലർ ബിജിമോൾ മാത്യു, ഉഷ ചന്ദ്രൻ, ബ്ലെസി രാജു, ശാന്തകുമാരി അംഗൻ വാടി ടീച്ചർ, രാജശ്രീ അനിൽ എന്നിവർ പ്രസംഗിച്ചു.
