ബംഗ്ലൂരു: കര്ണാടക പൊതുതിരഞ്ഞെടുപ്പിന് മുന്നോടിയായി താരപ്രചാരകരെ പ്രഖ്യാപിച്ച് ബിജെപിയും കോണ്ഗ്രസും. പ്രധാനമന്ത്രി നരേന്ദ്രമോദി, യുപി മുഖ്യമന്ത്രി യോഗി ആദിത്യനാഥ്, കേന്ദ്രമന്ത്രിമാരായ അമിത് ഷാ, സ്മൃതി ഇറാനി, ബിജെപി ദേശീയാധ്യക്ഷന് ജെ പി നദ്ദ, ബിജെപി തമിഴ്നാട് അധ്യക്ഷന് അണ്ണാമലൈ എന്നിവര് ബിജെപിയുടെ താരപ്രചാരകരുടെ പട്ടികയിലുണ്ട്. ഇത് കൂടാതെ വിദ്യാഭ്യാസ മന്ത്രി ധര്മേന്ദ്ര പ്രധാന്, ആരോഗ്യമന്ത്രി മന്സുഖ് മാണ്ഡവ്യ, പാര്ലമെന്ററി മരാമത്ത് മന്ത്രി പ്രഹ്ലാദ് ജോഷി, അസം മുഖ്യമന്ത്രിയുമായ ശിവരാജ് സിംഗ് ചൗഹാന്, ഹിമന്ത ബിശ്വ ശര്മ, മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്നാവിസ് ഉള്പ്പെടെയുള്ള വിവിധ സംസ്ഥാങ്ങളിലെ മുഖ്യമന്ത്രിമാരും ഈ പട്ടികയില് ഉള്പ്പെട്ടിട്ടുണ്ട്.
അതേസമയം, കോണ്ഗ്രസ് താരപ്രചാരകരില് സോണിയാഗാന്ധിയും രാഹുല് ഗാന്ധിയും പ്രിയങ്കാ ഗാന്ധിയും മല്ലികാര്ജുന് ഖര്ഗെയുമുണ്ട്. കെ സി വേണുഗോപാലിനൊപ്പം കേരളത്തില് നിന്ന് ശശി തരൂര്, രമേശ് ചെന്നിത്തല എന്നിവരും താരപ്രചാരകരുടെ പട്ടികയില് ഇടം പിടിച്ചു. കര്ണാടകയില് മെയ് 10 ന് തിരഞ്ഞെടുപ്പ് നടക്കും, മെയ് 13 ന് ഫലം പ്രഖ്യാപിക്കും. ആകെയുള്ള 224 സീറ്റുകളില് 222 സീറ്റുകളിലേക്കാണ് ബിജെപി സ്ഥാനാര്ത്ഥികളെ പ്രഖ്യാപിച്ചത്.
