ന്യൂഡല്ഹി: ആസന്നമായ ഡല്ഹി തെരഞ്ഞെടുപ്പിനുള്ള ഏഴ് മണ്ഡലങ്ങളിലെ സ്ഥാനാര്ഥികളേക്കൂടി കോണ്ഗ്രസ് പ്രഖ്യാപിച്ചു. രോമേഷ് സഭര്വാള് ആണ് കേജരിവാളിനെതിരെ മത്സരിക്കുന്നത്. ജനുവരി എട്ടിനാരംഭിക്കുന്ന ഡല്ഹി നിയമസഭാ തെരഞ്ഞെടുപ്പിനുള്ള രണ്ടാംഘട്ട സ്ഥാനാര്ഥി പട്ടികയാണ് കോണ്ഗ്രസ് പുറത്ത് വിട്ടത്.
ഇതോട ആകെയുള്ള 70ല് 61 സീറ്റുകളിലേക്കുള്ള സ്ഥാനാര്ഥികളെയും കോണ്ഗ്രസ് പ്രഖ്യാപിച്ചു. ആംആദ്മി വിട്ടുവന്ന അല്ക ലാംബ ചാന്ദ്നി ചൗക്കിലും, ആദര്ശ് ശാസ്ത്രി അദ്ദേഹത്തിന്റെ നിലവിലെ മണ്ഡലമായ ദ്വാരകയിലും മത്സരിക്കുമെന്ന് പാര്ട്ടി നേരത്തെ വ്യക്തമാക്കിയിരുന്നു. ബാക്കി സ്ഥാനാര്ഥികളെ എത്രയും വേഗം പ്രഖ്യാപിക്കുമെന്ന് പാര്ട്ടി നേതൃത്വം വ്യക്തമാക്കി. നേരത്തെ ബിജെപി 57 സീറ്റുകളിലേക്കുള്ള സ്ഥാനാര്ഥികളെയും ആം ആദ്മി 70 സീറ്റുകളിലേക്കുമുള്ള സ്ഥാനാര്ഥികളെയും പ്രഖ്യാപിച്ചിരുന്നു.
