പത്തനംതിട്ട : ഛത്തീസ്ഗഡിൽ കന്യാസ്ത്രീകൾ സംഘപരിവാർ – ബി.ജെ.പി ഭരണകൂട ഭീകരതയ്ക്ക് ഇരയായി കൽതുറുങ്കിൽ അടയ്ക്കപ്പെട്ടത് ഏറെ ഭീതിയോടെയാണ് നമ്മൾ നോക്കി കാണുന്നത്. ഭരണഘടനയുടെ നഗ്നമായ ലംഘനം നടത്തി അഴിഞ്ഞാടുന്ന ഭരണകൂട ഭീകരതയ്ക്കെതിരെ രാജ്യവ്യാപകമായി പ്രതിഷേധം ഇരമ്പുകയാണ്. പാർലമെൻ്റിൽ ഉൾപ്പെടെ ഇന്ത്യൻ നാഷണൽ കോൺഗ്രസ് പ്രിയങ്കരനായ രാഹുൽ ഗാന്ധിയുടെ നേതൃത്വത്തിൽ പ്രതിഷേധം കടുപ്പിക്കുന്ന സാഹചര്യത്തിൻ ഇന്ത്യൻ നാഷണൽ കോൺഗ്രസ് കോന്നി മണ്ഡലം കമ്മിറ്റിയുടെ നേതൃത്വത്തിൽ നാളെ (01/08/25) വൈകിട്ട് 05 മണിയ്ക്ക് കോന്നി സെൻട്രൽ ജംഗ്ഷനിൽ പ്രതിഷേധ സംഗമം സംഘടിപ്പിച്ചു.
കെ പി സി സി അംഗം മാത്യു കുളത്തിങ്കൽ ഉദ്ഘാടനം ചെയ്യുന്ന പ്രതിഷേധ സംഗമത്തിൽ പ്രിയങ്കരരായ ഫാ. ജോർജ്ജ് ഡേവിഡ് (വികാരി, സെൻ്റ് ജോർജ്ജ് ഓർത്തഡോക്സ് മഹാ ഇടവക, കോന്നി) ഫാ. ജിത്തു തോമസ് (വികാരി, സെൻ്റ് തോമസ് ഓർത്തഡോക്സ് ചർച്ച നെടുമൺകാവ് – കൂടൽ) ഫാ. റോയി ചാക്കോ ( വികാരി, സെൻ്റ് മേരീസ് യാക്കോബായ സുറിയാനി ചർച്ച്, തണ്ണിത്തോട്) എന്നിവരുടെ സജീവ സാന്നിദ്ധ്യവും പ്രതിഷേധ സംഗമത്തിൽ ഉണ്ടാകുന്നതാണെന്ന് പ്രവീൺ പ്ലാവിളയിൽ (പ്രസിഡൻ്റ്, മണ്ഡലം കമ്മിറ്റി) അറിയിച്ചു.
