പന്തളം : തൃശ്ശൂർ കുന്നംകുളം പോലീസ് സ്റ്റേഷനിൽ യൂത്ത് കോൺഗ്രസ് മണ്ഡലം പ്രസിഡണ്ടായിരുന്ന വി എസ് സുജിത്തിനെ അകാരണമായി മർദ്ദിക്കുകയും കള്ളക്കേസിൽ കുടുക്കുകയും ചെയ്ത പോലീസ് ഉദ്യോഗസ്ഥരെ സർവീസിൽനിന്ന് പുറത്താക്കണം എന്ന് ആവശ്യപ്പെട്ടുകൊണ്ട് സംസ്ഥാന വ്യാപകമായി മണ്ഡലം കോൺഗ്രസ് കമ്മിറ്റികളുടെ നേതൃത്വത്തിൽ കേരളത്തിലെ എല്ലാ പോലീസ് സ്റ്റേഷനുകൾക്ക് മുൻപിലും പ്രതിഷേധ സദസ്സ് സംഘടിപ്പിക്കുന്നതിന്റെ ഭാഗമായി കോൺഗ്രസ് പന്തളം, കുരമ്പാല, തുമ്പമൺ മണ്ഡലം കമ്മിറ്റികളുടെ നേതൃത്വത്തിൽ പന്തളം പോലീസ് സ്റ്റേഷനു മുൻപിൽ പ്രതിഷേധ സദസ്സ് സംഘടിപ്പിച്ചു. പ്രതിഷേധ സദസ്സ് യു ഡി എഫ് പത്തനംതിട്ട ജില്ലാ കൺവീനർ എ ഷംസുദ്ദീൻ ഉദ്ഘാടനം ചെയ്തു. കോൺഗ്രസ് പന്തളം മണ്ഡലം പ്രസിഡൻറ് എസ് ഷെരീഫ് അധ്യക്ഷത വഹിച്ചു.
ബ്ലോക്ക് കോൺഗ്രസ് പ്രസിഡൻറ് സക്കറിയ വർഗീസ്, ഡിസിസി ഭാരവാഹികളായ അഡ്വ. ഡി എൻ തൃദീപ്, ജി രഘുനാഥ്, ഉണ്ണികൃഷ്ണൻ, മണ്ഡലം പ്രസിഡന്റുമാരായ അഡ്വ. രാജേഷ് കുമാർ, മനോജ് കുരമ്പാല, കോൺഗ്രസ് നേതാക്കളായ എ നൗഷാദ് റാവുത്തർ, പന്തളം മഹേഷ്, കെ എം ജലീൽ, മഞ്ജു വിശ്വനാഥ്, കെ ആർ വിജയകുമാർ, ജി അനിൽകുമാർ, വേണു കുമാരൻ നായർ, ഇ എസ് നുജുമുദീൻ, പി പി ജോൺ, സോളമൻ വരവുകാലായിൽ, രഞ്ജു എം ജോയ്, ശാന്തി സുരേഷ്, രത്നമണി സുരേന്ദ്രൻ, സുനിതാ വേണു, പരിയാരത്ത് ഗോപിനാഥൻ നായർ, ബൈജു മുകടിയിൽ. വല്ലാറ്റൂർ വാസുദേവൻ പിള്ള, റെജി ജോൺ, ഷാജി എംഎസ്ബിആർ, എച്ച് ഹാരിസ്, കുട്ടപ്പൻ നായർ മൂലയിൽ മജീദ് കോട്ടവീട്, തുടങ്ങിയ ഒട്ടേറെ നേതാക്കൾ പങ്കെടുത്തു.
