തിരുവനന്തപുരം: കേന്ദ്ര സര്ക്കാരിന്റെ അഗ്നിപഥ് പദ്ധതിക്കെതിരെയും സംസ്ഥാന സര്ക്കാരിന്റെ ഭരണകൂട ഭീകരതയ്ക്കെതിരെയും രാഹുല് ഗാന്ധിയുടെ ഓഫീസ് ആക്രമിച്ച എസ്എഫ്ഐ ക്രിമിനലുകളെ തുറങ്കിലടക്കുക എന്നീ മുദ്രാവാക്യങ്ങള് ഉയര്ത്തി സംസ്ഥാനത്തെ മുഴുവന് അസംബ്ലി മണ്ഡലങ്ങളിലും കോണ്ഗ്രസിന്റെ നേതൃത്വത്തില് ഇന്ന് സത്യാഗ്രഹ സമരം സംഘടിപ്പിക്കും.
രാവിലെ 10 മുതല് ഉച്ചക്ക് ഒരുമണിവരെയാണ് സത്യാഗ്രഹം സംഘടിപ്പിക്കുന്നത്. അസംബ്ലിതലത്തിലെ സത്യാഗ്രഹത്തിന് എംഎല്എമാരും എംപിമാരും മുതിര്ന്ന കോണ്ഗ്രസ് നേതാക്കളും നേതൃത്വം നല്കും. കെപിസിസി പ്രസിഡന്റ് കെ.സുധാകരന് എംപി, പ്രതിപക്ഷ നേതാവ് വിഡി സതീശന് തുടങ്ങിയവര് വിവിധ അസംബ്ലി മണ്ഡലങ്ങളില് നടക്കുന്ന സത്യാഗ്രഹ സമരത്തില് പങ്കെടുക്കും.
