തിരുവനന്തപുരം : വയനാട്ടിലെ രാഹുല്ഗാന്ധിയുടെ എം.പി ഓഫീസ് അടിച്ചുതകര്ക്കുകയും ജീവനക്കാര്ക്ക് നേരെ അക്രമമഴിച്ചുവിടുകയും ചെയ്ത എസ്.എഫ്.ഐ ക്രിമിനലുകളുടെ കിരാത താണ്ഡവത്തിനെതിരെ രാജ്യവ്യാപകമായി ഉയര്ന്നുവന്ന പ്രതിഷേധത്തെ തുടര്ന്ന് സി.പി.എം സമ്പൂര്ണ്ണമായി ഒറ്റപ്പെട്ടെന്ന് കോണ്ഗ്രസ് നേതാവ് വി.എം.സുധീരന് പ്രസ്താവിച്ചു.
സി.പി.എം. പ്രവര്ത്തകര് പ്രതിസ്ഥാനത്തു വന്നിട്ടുള്ള അക്രമസംഭവങ്ങളെ ആദ്യഘട്ടത്തില് തള്ളിപ്പറയുകയും പിന്നീട് ആ പ്രതികള്ക്കുവേണ്ടി സര്ക്കാര് പണം ദുരുപയോഗപ്പെടുത്തിക്കൊണ്ട് സുപ്രീംകോടതിവരെ കേസ് നടത്തിയ മുഖ്യമന്ത്രിയുടെയും സി.പി.എം. നേതൃത്വത്തിന്റെയും പ്രവര്ത്തനശൈലി കണ്ടറിഞ്ഞ ജനങ്ങള്ക്ക് വയനാട് സംഭവത്തെ അപലപിച്ചുള്ള ഇവരുടെ പ്രസ്താവനകള് വിശ്വാസത്തിലെടുക്കാനാവില്ല.
കരുതിക്കൂട്ടി തയ്യാറാക്കിയ പദ്ധതിയനുസരിച്ച് രാഹുല്ഗാന്ധിയുടെ ഓഫീസ് അക്രമിച്ച മുഴുവന് എസ്.എഫ്.ഐ. കുറ്റവാളികള്ക്കുമെതിരെ സംഘടനാപരമായും നിയമപരമായും ധാര്മ്മികമായും കര്ശനവും മാതൃകാപരവുമായ നടപടികള് ജനങ്ങളെ ബോദ്ധ്യപ്പെടുത്തിക്കൊണ്ട് സ്വീകരിക്കാന് മുഖ്യമന്ത്രിക്കും സി.പി.എം നേതൃത്വത്തിനും കഴിയണം. സംഭവത്തില് രാഹുല്ഗാന്ധിയോടും രാഷ്ട്രത്തോടും മാപ്പ് പറയാന് മുഖ്യമന്ത്രിയും സി.പി.എം സംസ്ഥാനസെക്രട്ടറിയും തയാറാകണമെന്നും സുധീരന് ആവശ്യപ്പെട്ടു.
