ന്യൂഡല്ഹി: രാഹുല് ഗാന്ധിയെ വിമര്ശിച്ച സംഭവത്തില് കേന്ദ്ര മന്ത്രിസ്മൃതി ഇറാനിക്ക് മറുപടി നല്കി കോണ്ഗ്രസ്. കന്യാകുമാരിയില് നിന്നാരംഭിച്ച ഭാരത് ജോഡോ യാത്രയില് സ്വാമി വിവേകാനന്ദനെ അവഗണിച്ചുയെന്നാണ് സ്മൃതി ഇറാനിയുടെ വിമര്ശനം. ഇതിനു മറുപടിയുമായിട്ടാണ് കോണ്ഗ്രസ് രംഗത്തെത്തിയിരിക്കുന്നത്.വിമര്ശനത്തിനു മറുപടിയായി രാഹുല് വിവേകാനന്ദ പ്രതിമയ്ക്ക് മുന്നില് ആദരവ് അര്പ്പിക്കുന്ന ചിത്രങ്ങള് ചേര്ത്തുളള വീഡിയോ കോണ്ഗ്രസ് പങ്കുവെച്ചു അതുപോലെ സ്വാമി വിവേകാനന്ദനെ അവഗണിച്ചുയെന്നു പറഞ്ഞുളള സ്മൃതി ഇറാനിയുടെ വീഡിയോയും പങ്കുവെച്ചു.
‘ഇന്ന് ഞാന് കോണ്ഗ്രസ് പാര്ട്ടിയോടു ചോദിക്കാന് ആഗ്രഹിക്കുകയാണ്. ഇന്ത്യയെ ഒന്നിപ്പിക്കാനുള്ള യാത്രയ്ക്ക് നിങ്ങള് കന്യാകുമാരിയില്നിന്ന് തുടക്കം കുറിക്കുകയാണെങ്കില് സ്വാമി വിവേകാനന്ദനെ അവഗണിക്കുംവിധം ലജ്ജയിലാത്തവരാകരുത്. രാഹുല് ഗാന്ധിക്ക് ഇത്തരമൊരു പ്രവര്ത്തി കഴിയില്ല’ എന്നായിരുന്നു സ്മൃതിയുടെ വിമര്ശനം. ഇതിനെല്ലാം ഒറ്റയൊരു മറുപടിയായിട്ടാണ് രാഹുല് ഗാന്ധിയുടെ വീഡിയോ.സ്മൃതിയുടെ ആരോപണം അടിസ്ഥാനരഹിതമാണെന്നു ചൂണ്ടികാണിച്ച് ജയറാം രമേശ് ഉള്പ്പെടെ പലരും രംഗത്ത് വന്നു. കാര്യങ്ങള് കുറച്ചുകൂടി വ്യക്തമായി കാണാന് മിസിസ് ഇറാനിക്ക് പുതിയ കണ്ണട ആവശ്യമെങ്കില് നല്കാന് ഞങ്ങള് തയാറാണെന്നു ജയ്റാം രമേശ്് പറഞ്ഞു.