മുല്ലപ്പള്ളി രാമചന്ദ്രനെ പിന്തുണക്കാന്‍ കോണ്‍ഗ്രസ് നേതൃതലത്തില്‍ ധാരണ

തിരുവനന്തപുരം : ആരോഗ്യമന്ത്രി കെ.കെ. ശൈലജക്കെതിരായ വിവാദ പരാമര്‍ശങ്ങളില്‍ കെ.പി.സി.സി അധ്യക്ഷന്‍ മുല്ലപ്പള്ളി രാമചന്ദ്രനെ പിന്തുണക്കാന്‍ കോണ്‍ഗ്രസ് നേതൃതലത്തില്‍ ധാരണ. ഇക്കാര്യത്തില്‍ മാധ്യമങ്ങളോട് പ്രതികരിക്കേണ്ടെന്നായിരുന്നു കോണ്‍ഗ്രസ് നേതാക്കളുടെ മുന്‍തീരുമാനം. തദ്ദേശഭരണ തെരഞ്ഞടുപ്പ് അടുത്ത സാഹചര്യത്തില്‍ വിവാദങ്ങളില്‍ ഇടപെടേണ്ടെന്നും ഇക്കാര്യത്തെക്കുറിച്ച്‌ മുല്ലപ്പള്ളി തന്നെ വിശദീകരിക്കട്ടെ എന്നുമായിരുന്നു ധാരണ. എന്നാല്‍ മുല്ലപ്പള്ളിക്കെതിരെ മുഖ്യമന്ത്രി തന്നെ രംഗത്തെത്തിയ പശ്ചാത്തലത്തിലാണ് മുല്ലപ്പള്ളിയെ പിന്തുണക്കാന്‍ കോണ്‍ഗ്രസ്  തീരുമാനിച്ചത്.