ഡല്ഹി: രാഹുല് ഗാന്ധിയുടെ ലോക്സഭാംഗത്വം റദ്ദാക്കിയ നടപടിയില് കൂട്ടസത്യഗ്രഹത്തിനൊരുങ്ങി കോണ്ഗ്രസ്. രാജ്ഘട്ടിന് മുന്നില് ഞായറാഴ്ച രാവിലെ പത്ത് മുതല് കോണ്ഗ്രസ് നേതാക്കള് സത്യാഗ്രഹമിരിക്കുമെന്ന് എ.ഐ.സി.സി. ജനറല് സെക്രട്ടറി കെ.സി. വേണുഗോപാല്. ജനാധിപത്യത്തെ തകര്ക്കുന്ന ഫാസിസ്റ്റ് നടപടി ബി.ജെ.പിയെ തിരിഞ്ഞുകൊത്തുമെന്നും അദ്ദേഹം പറഞ്ഞു. ഡല്ഹിയില് മാധ്യമങ്ങളോട് സംസാരിക്കുകയായിരുന്നു വേണുഗോപാല്.
അതേസമയം പോരാടുന്നത് രാജ്യത്തിന്റെ ശബ്ദത്തിന് വേണ്ടിയെന്ന് രാഹുല് ഗാന്ധി പറഞ്ഞു. പോരാട്ടത്തിനായി എന്ത് വില കൊടുക്കാനും തയ്യാറെന്ന് രാഹുല് ഗാന്ധി ട്വിറ്ററിലൂടെ അറിയിച്ചു. രാഹുലിനെ അയോഗ്യനാക്കിയ നടപടിക്കെതിരെ ശക്തമായ നിയമ പോരാട്ടത്തിന് തയ്യാറെടുക്കുകയാണ് കോണ്ഗ്രസ്. യൂത്ത് കോണ്ഗ്രസിന്റെ നേതൃത്വത്തില് പ്രതിഷേധം നടത്തി. പാലക്കാട് പ്രധാനമന്ത്രിയുടെ കോലം കത്തിച്ചു. വയനാട്ടില് റോഡ് ഉപരോധിച്ചു. സംഭവത്തില് പ്രതികരണവുമായി കോണ്ഗ്രസ് നേതാക്കള് രംഗത്തെത്തി.
