പത്തനംതിട്ട : ഇറക്കുമതി തീരുവ വിഷയത്തിൽ അമേരിക്കൻ ഭരണകൂടത്തിന്റെ ഇൻഡ്യാ വിരുദ്ധ നിലപാടുകൾക്കും മോദി സർക്കാരിന്റെ നയ പരാജയങ്ങൾക്കും വിധേയത്വത്തിനും എതിരെ എ.ഐ.സി.സി ആഹ്വാനം അനുസരിച്ച് ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ ആഗസ്റ്റ് 9 – ശനിയാഴ്ച പത്തനംതിട്ടയിൽ പ്രതിഷേധ പ്രകടനവും യോഗവും സംഘടിപ്പിക്കുമെന്ന് ഡി.സി.സി സംഘടനാകാര്യ ജനറൽ സെക്രട്ടറി സാമുവൽ കിഴക്കുപുറം അറിയിച്ചു. വൈകിട്ട് 5- മണിക്ക് അബാൻ ജംഗ്ഷനിൽ നിന്നും ആരംഭിക്കുന്ന പ്രകടനം ഗാന്ധിസ്ക്വയറിൽ സമാപിക്കും.
തുടന്ന് ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിലിന്റെ അദ്ധ്യക്ഷതയിൽ ചേരുന്ന പ്രതിഷേധ യോഗം കെ.പി.സി.സി രാഷ്ട്രീയകാര്യ സമിതി അംഗം ആന്റോ ആന്റണി എം.പി ഉദ്ഘാടനം ചെയ്യും. പ്രതിഷേധ പ്രകടനത്തിലും യോഗത്തിലും പങ്കെടുന്നതിനായി ജില്ലയിലെ കോൺഗ്രസിന്റെ വിവിധ തലങ്ങളിലുള്ള നേതാക്കളും ഭാരവാഹികളും പ്രധാന പ്രവർത്തകരും വൈകിട്ട് 5- മണിക്ക് മുൻപായി അബാൻ ജംഗ്ഷനിൽ എത്തിച്ചേരണന്ന് ഡി.സി.സി ജനറൽ സെക്രട്ടറി അഭ്യർത്ഥിച്ചു.
