പന്തളം : കോണ്ഗ്രസ് കുരമ്പാല മണ്ഡലം കമ്മിറ്റിയുടെ ആഭിമുഖ്യത്തില് കാട്ടുപന്നികളില് നിന്നും വന്യമൃഗങ്ങളില് നിന്നും കൃഷിയേയും കര്ഷകരേയും സംരക്ഷിക്കുന്നതിനു വേണ്ടി ഏകദിന ഉപവാസ സമരം നടത്തുമെന്ന് ഭാരവാഹികള് അറിയിച്ചു. 22 ന് രാവിലെ 9 ന് കുമ്പാല ജംഗ്ഷനില് ഡി.സി.സി. പ്രസിഡന്റ് സതീഷ് കൊച്ചു പറമ്പില് ഉദ്ഘാടനം ചെയ്യും. ആന്റോ ആന്റണി എം.പിയും കോണ്ഗ്രസ് ജില്ലാ, ബ്ലോക്ക് നേതാക്കള് പങ്കെടുക്കും. വൈകിട്ട് നടക്കുന്ന സമാപന സമ്മേളനം സി.ആര്.മഹേഷ് എം.എല്.എ ഉദ്ഘാടനം ചെയ്യും.
കഴിഞ്ഞ ദിവസം കുരമ്പാലയില് കൃഷി സംരക്ഷിക്കുവാന് സ്ഥാപിച്ച വൈദ്യുതി വേലിയില്നിന്നും വൈദ്യുതാഘാതമേറ്റ് മരണപ്പെട്ട കര്ഷകന്റെ കുടുംബത്തിന് ഐക്യദാര്ഢ്യം ഉപവാസ സമരത്തില് അര്പ്പിക്കും. പന്തളം നഗരസഭയും സര്ക്കാരും കൃഷിയേയും കര്ഷകരേയും സംരക്ഷിക്കണമെന്നും കൃഷിനാശം മൂലം കടക്കെണിയിലായ കര്ഷകരെ സംരക്ഷിക്കണമെന്നും ബ്ലോക്ക് കോണ്ഗ്രസ് പ്രസിഡന്റ് സഖറിയാ വര്ഗീസ്, ഡി.സി.സി വൈസ്പ്രസിഡന്റ് എം.ജി. കണ്ണന്, മണ്ഡലം പ്രസിഡന്റ് എം.മനോജ്കുമാര്, നേതാക്കളായ മണ്ണില് രാഘവന്, ജോണികുട്ടി, കണ്ണന് കുടശ്ശനാട് എന്നിവര് ആവശ്യപ്പെട്ടു.
