ന്യൂഡല്ഹി : ഇന്ധന വില വര്ധനവിനെതിരെ പ്രതിഷേധവുമായി കോണ്ഗ്രസ് എംപിമാര് വിജയ് ചൗക്കില് പ്രതിഷേധ പ്രകടനം നടത്തി. ഇന്ധന വില വര്ദ്ധന നിയന്ത്രിക്കാന് സര്ക്കാര് അടിയന്തരമായി ഇടപെടണമെന്ന് രാഹുല് ഗാന്ധി ആവശ്യപ്പെട്ടു. ശക്തമായ പ്രതിഷേധത്തിനാണ് കോണ്ഗ്രസ് ആഹ്വാനം ചെയ്യുന്നത്. ജനങ്ങള് തീരാ ദുരിതത്തിലാണെന്നും രാഹുല് ഗാന്ധി പറഞ്ഞു. ഇന്ധന വിലവര്ദ്ധനയില് സംയുക്ത പ്രതിഷേധത്തിനാണ് കോണ്ഗ്രസ് ശ്രമിക്കുന്നതെന്ന് കെ.സി വേണുഗോപാല് വ്യക്തമാക്കി. എല്ലാ പാര്ട്ടികളേയും സഹകരിപ്പിച്ച് മുന്നോട്ട് പോകുമെന്നും. രാജ്യ വ്യാപക പ്രതിഷേധം ഇതിനുള്ള ആദ്യ പടിയാണെന്നും കെ.സി വേണുഗോപാല് ദില്ലിയില് പറഞ്ഞു. ഇന്ധന വില വര്ധയില് ലോകസഭയില് അടിയന്തര പ്രമേയത്തിന് കോണ്ഗ്രസ് നോട്ടീസ് നല്കി. എംപിമാരായ കൊടിക്കുന്നില് സുരേഷ്, വി.കെ ശ്രീകണ്ഠന് എന്നിവരാണ് നോട്ടീസ് നല്കിയത്.
