പത്തനംതിട്ട : ഭരണഘടനയെ വികലമാക്കുന്നതിനും ഭരണഘടനാ ശില്പി ഡോ. ബി ആർ അംബേദ്കറെ നിരന്തരം അപമാനിക്കാനുമുള്ള സംഘപരിവാർ സംഘടനകളുടെയും ബിജെപി നേതൃത്വത്തിലുള്ള ഫാസിസ്റ്റ് ഭരണകൂടങ്ങളുടെയും ആസൂത്രിത നീക്കത്തിനെതിരെ എസ്ഡിപിഐ പത്തനംതിട്ട ജില്ലാ കമ്മിറ്റിയുടെ നേതൃത്വത്തിൽ അടൂർ കെഎസ്ആർടിസി ജംഗ്ഷന് സമീപം ഭരണഘടന സംരക്ഷണ സദസ്സ് സംഘടിപ്പിക്കും. 2024 ഡിസംബർ 31ന് നാടാകെ ന്യൂ ഇയർ ആഘോഷങ്ങൾ സംഘടിപ്പിക്കുന്ന വേളയിലാണ് എസ്ഡിപിഐ രാപ്പകൽ സമരം സംഘടിപ്പിക്കുക. അംബേദ്കറാണ് രാജ്യം ഭരണഘടനയാണ് ആത്മാവ് എന്ന മുദ്രാവാക്യമുയർത്തി
വൈകീട്ട് അഞ്ചിന് ആരംഭിക്കുന്ന സമരം രാത്രി 12 മണിയോടെ സമാപിക്കും. എസ്ഡിപിഐ സംസ്ഥാന ജനറൽ സെക്രട്ടറി പി കെ ഉസ്മാൻ ഉദ്ഘാടനം നിർവഹിക്കും. ജില്ലാ പ്രസിഡന്റ് എസ് മുഹമ്മദ് അനീഷ് അധ്യക്ഷത വഹിക്കും. പത്തനംതിട്ട ഡിഎംസിസി ചെയർമാനും റിട്ടയേഡ് ജില്ലാ ജഡ്ജുമായ മുഹമ്മദ് ഇബ്രാഹിം, എസ്ഡിപിഐ സംസ്ഥാന സെക്രട്ടറി അൻസാരി ഏനാത്ത്, ബിഎസ്പി ജില്ലാ പ്രസിഡന്റ് മധു നെടുമ്പാല, വെൽഫെയർ പാർട്ടി ജില്ലാ പ്രസിഡന്റ് ഷാജി റസാഖ്, കേരള മനുഷ്യാവകാശ സമിതി അംഗം കെ രമണൻ, കെ ഡി പി സംസ്ഥാന എക്സിക്യൂട്ടീവ് കമ്മിറ്റി അംഗം സതീഷ് പാണ്ടനാട്, വി സി കെ ജില്ലാ കോഡിനേറ്റർ അജാ കോമളൻ, സി എസ് ഡി എസ് അടൂർ താലൂക്ക് പ്രസിഡന്റ് സുരേഷ് മണക്കാല, എസ്ഡിപിഐ ജില്ലാ ജനറൽ സെക്രട്ടറി സലിം മൗലവി എന്നിവർ പങ്കെടുക്കും.
