തണ്ണിത്തോട് : തണ്ണിത്തോട് കുടുംബാരോഗ്യ കേന്ദ്രത്തിന്റെ ഭാഗമായ കുടുംബക്ഷേമ ഉപകേന്ദ്രത്തിലേക്ക് നിര്മ്മിച്ച വഴിയുടെ നിര്മ്മാണം പൂര്ത്തീകരിക്കാത്തത് അപകട ഭീഷണിയാകുന്നു. ഒരുമാസത്തില് കൂടുതലായി വഴി നിര്മ്മാണം ആരംഭിച്ചിട്ട്. വഴിയുടെ സംരക്ഷണ ഭിത്തി നിര്മ്മിച്ചുവെങ്കിലും ഇതിന് മുകളില് ഉയര്ന്നു നില്ക്കുന്ന കമ്പികളാണ് പൊതുജനങ്ങള്ക്ക് ഭീഷണിയായി മാറിയിട്ടുള്ളത്. ഗര്ഭിണികളും കുട്ടികളും മുലയൂട്ടുന്ന അമ്മമാരുമാണ് ഈ ഉപകേന്ദ്രത്തില് പ്രധാനമായും എത്തുന്നത്. കുത്തനെയുള്ള വഴിയില് ആളുകള് ഇറങ്ങി വരുന്നതിനിടെ കാല് ഒന്ന് വഴുതിയാല് പോലും ഈ കൂര്ത്ത കമ്പികള്ക്ക് മുകളിലേക്കാവും വീഴുക.
തണ്ണിത്തോട് സ്റ്റേഡിയം റോഡിന് സമീപം പ്രവര്ത്തിക്കുന്ന ഈ ഉപകേന്ദ്രത്തിലേക്ക് പഞ്ചായത്തിലെ വിവിധ വാര്ഡുകളില് നിന്നും നിന്നും നിരവധി അമ്മമാരും കുട്ടികളും എത്തുന്നുണ്ട്. കൂര്ത്ത കമ്പികള് അപകടകരമായി നില്ക്കുന്ന നിര്മ്മാണം പൂര്ത്തിയാക്കാത്ത ഈ വഴി മാത്രമാണ് ഇവര്ക്ക് കയറി പോകാന് ഒരേ ഒരാശ്രയം. സംരക്ഷണ ഭിത്തിയുടെ നിര്മ്മാണം പൂര്ത്തിയാകുമ്പോള് പ്രശ്നത്തിന് പരിഹാരമാകുമെന്നാണ് അധികൃതര് നല്കുന്ന വിശദീകരണം. എന്നാല് ഇതിനിടെ പണി തീരാത്ത വഴിയില് നില്ക്കുന്ന കൂര്ത്ത കമ്പികള് കാരണം ആര്ക്കെങ്കിലും അപകടമുണ്ടായാല് ആര് സമാധാനം പറയും എന്നതിന് മാത്രം അധികാരികള്ക്ക് ഉത്തരമില്ല.
