കോയിപ്രം : ഗവ. എച്ച്എസ്എസിൽ പുതിയ കെട്ടിടനിർമാണം പുരോഗമിക്കുന്നു.
മന്ത്രി വീണാ ജോർജ് മുൻകൈയെടുത്ത് പ്ലാൻ ഫണ്ടിൽനിന്ന് അനുവദിച്ച 1.38 കൊടി രൂപ ചെലവഴിച്ചാണ് കെട്ടിടം നിർമിക്കുന്നത്. മൂന്നുനിലയുള്ള കെട്ടിടം നിർമിക്കാനുള്ള അടിത്തറ നിർമാണമാണ് ഇപ്പോൾ നടക്കുന്നത്. നിലവിൽ ഒരു നില മാത്രമാണ് പണിയുന്നത്. ഫണ്ട് ലഭ്യമാകുന്ന മുറയ്ക്ക് ബാക്കി നിലകളും നിർമിക്കും. താഴത്തെ നിലയുടെ പണി പൂർത്തിയാകുമ്പോൾ അഞ്ച് ക്ലാസ്മുറികൾകൂടി ലഭ്യമാകും.
സ്കൂളിൽ നൈപുണ്യകേന്ദ്രം പ്രവർത്തനവും തുടങ്ങി.
വിദ്യാഭ്യാസ വകുപ്പും നൈപുണ്യ വികസനവകുപ്പും സംയുക്തമായാണ് പദ്ധതി നടപ്പാക്കുന്നത്. വെബ്ബ് ഡിവലപ്പർ, ഗ്രാഫിക് ഡിസൈനർ എന്നീ കോഴ്സുകളാണ് തുടങ്ങിയത്. കോഴ്സ് ആറുമാസം കൊണ്ട് പൂർത്തീകരിക്കാനാണ് ലക്ഷ്യമിടുന്നത്. ശനി, ഞായർ ഉൾപ്പെടെയുള്ള അവധി ദിവസങ്ങളിലാണ് ക്ലാസ്. കോഴ്സ് പൂർത്തീകരിക്കുന്നവർക്ക് നാഷണൽ സ്കിൽ ക്വാളിഫിക്കേഷൻ ഫ്രെയിംവർക്ക് സർട്ടിഫിക്കറ്റ് ലഭിക്കും.
