തിരുവനന്തപുരം: തിരുവനന്തപുരത്തെ തീരപ്രദേശത്തുള്ള കടല്ഭിത്തി നിര്മാണ പ്രവര്ത്തനങ്ങള് എത്രയും വേഗം പൂര്ത്തീകരിക്കുമെന്ന് മന്ത്രി കടകംപള്ളി സുരേന്ദ്രന് പറഞ്ഞു. പണി തുടങ്ങാന് താമസിക്കുന്നത് പാറകിട്ടാത്തതാണെന്ന് അദ്ദേഹം പറഞ്ഞു. കടലേറ്റത്തില് തകര്ന്ന പ്രദേശങ്ങള് സന്ദര്ശിച്ചശേഷമായിരുന്നു മന്ത്രി ഇക്കാര്യങ്ങള് അറിയിച്ചത്. പണികള് ഉടന് ആരംഭിക്കുമെന്നും അതിന് ആവശ്യമായ എല്ലാ പ്രവര്ത്തനങ്ങളും ഉടന് സജ്ജമാക്കാന് ആണ് സര്ക്കാര് ശ്രമിക്കുന്നതെന്നും അദ്ദേഹം പറഞ്ഞു.
തിരുവനന്തപുരത്തെ ആഭ്യന്തര വിമാനത്താവളത്തിലേക്കു പോകുന്ന ഇരട്ട റോഡുകളിലൊന്നു കഴിഞ്ഞ ദിവസം ഉണ്ടായ കടല്ക്ഷോഭത്തില് തകര്ന്നിരുന്നു. ഈ സ്ഥിതി തുടര്ന്നാല് അവശേഷിക്കുന്ന റോഡും തകരും.
