കോന്നി : തേക്കുതോട് മൂഴി കരിമാന്തോട് റോഡിന്റെ നിര്മ്മാണ പ്രവര്ത്തനങ്ങള് ഉടന് ആരംഭിക്കും. പൊതുമരാമത്ത് റോഡ് വിഭാഗത്തിന്റെ കീഴില് രണ്ടര കോടി രൂപ ചിലവില് ഒരു കിലോമീറ്ററും തൊള്ളായിരം മീറ്ററും ദൂരമാണ് ടാറിംഗ് നടത്തുന്നത്. ബി എം ആന്ഡ് ബി സി സാങ്കേതിക വിദ്യയില് ആണ് നിര്മ്മാണ പ്രവര്ത്തനങ്ങള്. നിര്മ്മാണത്തിന്റെ ആദ്യഘട്ടമായി മെറ്റല് എത്തിച്ചിട്ടുണ്ട്. മുന്പ് അനുവദിച്ച ഫണ്ട് ഉപയോഗിച്ച് ഐറിഷ് ഓടയുടെ നിര്മ്മാണ പ്രവര്ത്തനങ്ങളും പുരോഗമിക്കുന്നുണ്ട്.
കരിമാന്തോട്, പൂച്ചക്കുളം, ആലുവാംകുടി ക്ഷേത്രം തുടങ്ങി നിരവധി സ്ഥലങ്ങളിലേക്ക് എത്തിച്ചേരുന്നതിന് ആളുകള് ആശ്രയിക്കുന്ന പ്രധാന റോഡാണിത്. ബസുകളും സര്വ്വീസ് നടത്തുന്നുണ്ട്. മഴക്കാലത്ത് റോഡിന് ഓട ഇല്ലാത്തതിനാല് തകര്ച്ച നേരിടുന്നത് പതിവാണ്. ഐറിഷ് ഓടയുടെ നിര്മ്മാണത്തോടെ ഇതിന് പരിഹാരമാകുമെന്നും അധികൃതര് പറയുന്നു.
