പത്തനംതിട്ട : നെടുമ്പ്രം ഗ്രാമപഞ്ചായത്തിലെ വിവിധ പദ്ധതികളുടെ നിര്മാണോദ്ഘാടനം നവംബര് എട്ടിന് രാവിലെ 11.30 ന് ധനകാര്യവകുപ്പ് മന്ത്രി കെ എന് ബാലഗോപാല് ഗ്രാമപഞ്ചായത്ത് സ്റ്റേഡിയത്തില് നിര്വഹിക്കും. നെടുമ്പ്രം പുത്തന്കാവ് ദേവസ്വം സദ്യാലയത്തില് പൊതുസമ്മേളനം നടക്കും. മാത്യു ടി തോമസ് എംഎല്എ അധ്യക്ഷത വഹിക്കും.
സംസ്ഥാന ബജറ്റില് രണ്ടു കോടി രൂപ അനുവദിച്ച പഞ്ചായത്ത് സ്റ്റേഡിയം ശിലാസ്ഥാപനം, മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിലുള്ള വടശേരില്പടി- നാലൊന്നില്പടി റോഡ്, ശ്മശാനം റോഡ് എന്നിവയുടെ നിര്മാണോദ്ഘാടനമാണ് നടക്കുന്നത്. ജില്ലാ പഞ്ചായത്തംഗം മായാ അനില്കുമാര് മുഖ്യാതിഥിയാകും. ത്രിതല പഞ്ചായത്ത് അംഗങ്ങള്, രാഷ്ട്രീയ പാര്ട്ടി പ്രതിനിധികള്, ജീവനക്കാര് തുടങ്ങിയവര് പങ്കെടുക്കും.
