പാലക്കാട്: കഞ്ചിക്കോട്ട് കണ്ടെയ്നര് ലോറി നിയന്ത്രണം വിട്ട് കെഎസ്ആര്ടിസി ബസിലും സ്വകാര്യ ബസിലും ഇടിച്ചു കയറി. ഡ്രൈവര്മാരെ പാലാക്കാട് ആശുപത്രിയില് പ്രവേശിപ്പിച്ചു ഒരാളുടെ നില ഗുരുതരം. ഇന്ന് പുലര്ച്ചെ 5-30നായിരുന്നു അപകടം. കൊച്ചിയില് നിന്ന് കോയമ്പത്തൂര് ഭാഗത്തേക്ക് പോവുകയായിരുന്ന കണ്ടെയ്നര് ലോറി ദേശീയപാതയുടെ ഡിവൈഡര് മറികടന്ന് എതിര്വശത്തെ ട്രാക്കിലൂടെ വരികയായിരുന്ന ബസ്സുകളിലേക്കാണ് ഇടിച്ചു നിന്നത്. ബസുകളുടെ മുന്വശം തകര്ന്നു. അപകടത്തെ തുടര്ന്ന് ദേശീയ പാതയിലൂടെയുള്ള ഗതാഗതം ഒരുമണിക്കൂര് തടസ്സപ്പെട്ടു.
