പത്തനംതിട്ട കളക്ടറേറ്റ് : ജില്ലയില് ഇന്ന്(26) പുതിയ കേസുകള് ഒന്നും കണ്ടെത്തിയിട്ടില്ല. പ്രോഗ്രാം ഓഫീസര്മാരുടെയും മാനേജ്മെന്റ് ടീം ലീഡര്മാരുടെയും പ്ലാനിംഗ് മീറ്റിംഗ്, ജില്ലാ കളക്ടര് പി.ബി. നൂഹിന്റെ സാന്നിധ്യത്തില് കളക്ടറുടെ ചേമ്പറില് കൂടി.
ഇന്നത്തെ സര്വൈലന്സ് ആക്ടിവിറ്റികള് വഴി വിവിധ കേസുകളുടെ 22 പ്രൈമറി കോണ്ടാക്ടുകളെയും 60 സെക്കന്ഡറി കോണ്ടാക്ടുകളെയും കണ്ടെത്തി. ജനറല് ആശുപത്രി പത്തനംതിട്ടയില് ഒന്പതു പേരും, ജില്ലാ ആശുപത്രി കോഴഞ്ചേരിയില് അഞ്ചു പേരും, ജനറല് ആശുപത്രി അടൂരില് രണ്ടു പേരും നിലവില് ഐസൊലേഷനില് ഉണ്ട്.
സ്വകാര്യ ആശുപത്രികളില് തിരുവല്ല പുഷ്പഗിരി മെഡിക്കല് കോളജ് ആശുപത്രിയില് മൂന്നു പേര് ഐസൊലേഷനില് ഉണ്ട്. ആകെ 17 പേര് വിവിധ ആശുപത്രികളില് നിരീക്ഷണത്തില് ഉണ്ട്. ഇന്ന് പുതിയതായി നാലു പേരെ ഐസൊലേഷനില് പ്രവേശിപ്പിച്ചു. കഴിഞ്ഞ ന്യൂസ് ബുളളറ്റിനുശേഷം എട്ടു പേരെ ഡിസ്ചാര്ജ് ചെയ്തു. ഇതുവരെ 71 പേരെ ഡിസ്ചാര്ജ് ചെയ്തു.
വീടുകളില് 398 പ്രൈമറി കോണ്ടാക്ടുകളും 89 സെക്കന്ഡറി കോണ്ടാക്ടുകളും നിരീക്ഷണത്തില് ആണ്. നിലവില് വിദേശത്തു നിന്നും തിരിച്ചെത്തിയ 4027 പേരും മറ്റ് സംസ്ഥാനങ്ങളില് നിന്നും തിരിച്ചെത്തിയ 2500 പേരും വീടുകളില് നിരീക്ഷണത്തിലാണ്. വിദേശത്തുനിന്നും തിരിച്ചെത്തിയ 29 പേരെ നിരീക്ഷണത്തില് നിന്നും വിടുതല് ചെയ്തു. ആകെ 7014 പേര് വീടുകളില് നിരീക്ഷണത്തിലാണ്. സര്ക്കാര് മേഖലയില് 60 ബെഡ്ഡുകളും, സ്വകാര്യ മേഖലയില് 135 ബെഡ്ഡുകളും രോഗികളെ ഐസൊലേറ്റ് ചെയ്യുന്നതിനായി സജ്ജീകരിച്ചു.
ഇന്ന് ജില്ലയില് നിന്നും 51 സാമ്പിളുകള് ഉള്പ്പെടെ ആകെ 399 സാമ്പിളുകള് പരിശോധനയ്ക്കായി അയച്ചിട്ടുണ്ട്. കഴിഞ്ഞ ബുളളറ്റിനുശേഷം 32 നെഗറ്റീവ് പരിശോധന ഫലം ലഭിച്ചിട്ടുണ്ട്. ജില്ലയില് ഇന്നു(26)വരെ അയച്ച സാമ്പിളുകളില് 12 എണ്ണം പൊസിറ്റീവായും 228 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 110 സാമ്പിളുകളുടെ ഫലം ലഭിക്കാനുണ്ട്.
ജില്ലയുടെ അതിരുകളില് 97 ടീമുകള് ഇന്ന് ആകെ 6632 യാത്രികരെ സ്ക്രീന് ചെയ്തു. ഇവരില് രോഗലക്ഷണങ്ങള് ഉളള രണ്ടു പേരെ കണ്ടെത്തി. ഇവരെ തിരുവല്ല താലൂക്ക് ആസ്ഥാന ആശുപത്രിയില് എത്തിച്ച് പരിശോധിക്കുകയും ഒരാളുടെ സാമ്പിള് എടുക്കുകയും ചെയ്ത ശേഷം ഹോം ഐസൊലേഷനില് പ്രവേശിപ്പിച്ചു. ആകെ 5782 പേര്ക്ക് ബോധവത്ക്കരണം നല്കി.
ജില്ലാ മെഡിക്കല് ഓഫീസറുടെ കണ്ട്രോള് റൂമില് 112 കോളുകളും, ദുരന്തനിവാരണ വിഭാഗത്തിന്റെ കണ്ട്രോള് റൂമില് 136 കോളുകളും ലഭിച്ചു. വിദേശ രാജ്യങ്ങളില് നിന്ന് എത്തിയവരെ സംബന്ധിച്ച് 42 കോളുകള് ലഭിച്ചു. മറ്റ് സംസ്ഥാനങ്ങളില് നിന്ന് എത്തിയവരെ സംബന്ധിച്ച് 22 കോളുകള് ലഭിച്ചു. ക്വാറന്റൈനില് കഴിയുന്ന ആള്ക്കാര് പുറത്തിറങ്ങി നടക്കുന്നത് സംബന്ധിച്ച് എട്ടു കോളുകള് ലഭിക്കുകയും വിവരം ജില്ലാ പോലീസ് മേധാവിക്ക് കൈമാറുകയും ചെയ്തു.
മൂന്നു ഗവണ്മെന്റ് ആരോഗ്യസ്ഥാപനങ്ങളിലും ഒരു സ്വകാര്യ ആശുപത്രിയിലും നടത്തിയ പരിശീലന പരിപാടിയില് ആകെ 29 ഡോക്ടര്മാര്, 58 നഴ്സുമാര്, 28 മറ്റ് ജീവനക്കാര് എന്നിവര് ഉള്പ്പെടെ 115 പേര്ക്ക് പരിശീലനം നല്കി. 932 അതിഥി തൊഴിലാളികളെ ലേബര് വകുപ്പിന്റെ സഹകരണത്തോടുകൂടി സ്ക്രീനിംഗിന് വിധേയമാക്കി. ഇവരില് ആറു പേരില് രോഗലക്ഷണങ്ങള് കണ്ടെത്തി. ഇവരെ ഹോം ഐസൊലേഷനില് പ്രവേശിപ്പിച്ചു.
വോളന്റിയര്മാര് ഇന്ന് ഗൃഹസന്ദര്ശന പരിപാടിയില് പങ്കെടുക്കുകയും, ആകെ 5164 വീടുകള് സന്ദര്ശിക്കുകയും ചെയ്തു.
ജില്ലയുടെ ചുമതലയുളള മന്ത്രി അഡ്വ.കെ.രാജുവിന്റെ അധ്യക്ഷതയില് ജില്ലയിലെ കുടൂതല് പേര് വീടുകളില് നിരീക്ഷണത്തിലുളള പഞ്ചായത്ത് പ്രസിഡന്റുമാര്, സെക്രട്ടറിമാര് എന്നിവരുമായി വീഡിയോ കോണ്ഫറന്സ് അവലോകനം നടത്തി. ജില്ലയിലെ എം.പി.യും എല്ലാ എംഎല്.എ.മാരും യോഗത്തില് പങ്കെടുത്തു
ജില്ലാ കളക്ടറുടെ നേതൃത്വത്തിലുളള ദൈനംദിന അവലോകനയോഗം വൈകുന്നേരം ആറിന്് ജില്ലാ കളക്ടറുടെ ചേമ്പറില് നടന്നു.
—
