ഭോപ്പാല് : മധ്യപ്രദേശില് കൊറോണ വൈറസിന്റെ പുതിയ വകഭേദമായ എവൈ.4 സ്ഥിരീകരിച്ചു. ഡല്ഹി ആസ്ഥാനമായുള്ള നാഷണല് സെന്റര് ഫോര് ഡീസീസ് കണ്ട്രോളില് നടത്തിയ പരിശോധനയിലാണ് ഇവരില് പുതിയ വകഭേദം കണ്ടെത്തിയത്. സെപ്റ്റംബറിലാണ് ഇവരുടെ സാമ്പിളുകള് ജനിതക ശ്രേണി കണ്ടെത്താനുള്ള പരിശോധനയ്ക്ക് അയച്ചതെന്ന് മധ്യപ്രദേശ് ചീഫ് മെഡിക്കല് ആന്ഡ് ഹെല്ത്ത് ഓഫീസര് ബി.എസ്. സത്യ പറഞ്ഞു.
ആദ്യമായാണ് സംസ്ഥാനത്ത് കോവിഡിന്റെ ഈ വകഭേദം കണ്ടെത്തുന്നതെന്നും അദ്ദേഹം പറഞ്ഞു. ആറ് പേരും വാക്സിനേഷന് പൂര്ത്തീകരിച്ചിരുന്നെന്നും നിലവില് ചികിത്സ നേടി സുഖം പ്രാപിച്ചതായും അദ്ദേഹം വ്യക്തമാക്കി. ഈ ആറു പേരുമായി കഴിഞ്ഞ കുറച്ച് ദിവസങ്ങളായി സമ്പര്ക്കം പുലര്ത്തിയിട്ടുള്ള അമ്പതോളം പേരെ പരിശോധനയ്ക്ക് വിധേയരാക്കിയിട്ടുണ്ടെന്നും ഇവര് ആരോഗ്യവാന്മാരാണെന്നും അധികൃതര് അറിയിച്ചു.
