ജക്കാര്‍ത്ത: പനി, ചുമ, ജലദോഷം തുടങ്ങിയ അസുഖങ്ങള്‍ക്ക് നല്‍കുന്ന സിറപ്പ് കഴിച്ചതു കാരണം ജീവന്‍ നഷ്ടപ്പെട്ട കുട്ടികളുടെ എണ്ണം ഇന്തോനേഷ്യയില്‍ 133 ആയി. 99 കുട്ടികള്‍ മരിച്ചെന്നായിരുന്നു പ്രാഥമിക റിപ്പോര്‍ട്ട്. അമിതമായ അളവില്‍ രാസമിശ്രിതങ്ങള്‍ അടങ്ങിയ സിറപ്പാണ് മരണകാരണമെന്ന് വ്യക്തമായിട്ടുണ്ട്. ഇവ വൃക്കയുടെ പ്രവര്‍ത്തനം തകരാറിലാക്കുകയായിരുന്നു. എതിലിന്‍ ഗൈ്ളകോള്‍, ഡയതിലിന്‍ ഗൈ്ളകോള്‍, ബ്യൂട്ടില്‍ ഈതെര്‍ തുടങ്ങിയ രാസവസ്തുക്കളാണ് ഇതിലടങ്ങിയിട്ടുള്ളത്.
ജനുവരി മുതല്‍ 22 പ്രവിശ്യകളിലായി 241 കുട്ടികള്‍ക്കാണ് സിറപ്പ് കാരണം അസുഖം റിപ്പോര്‍ട്ട് ചെയ്തിട്ടുള്ളത്. 26 സിറപ്പുകള്‍ ഇതിനു കാരണമായി കണ്ടെത്തിയിട്ടുണ്ട്. ഇക്കൂട്ടത്തില്‍ അഞ്ചെണ്ണം പ്രാദേശികമായി നിര്‍മിച്ചവയാണ്. ഇതെല്ലാം വിപണിയില്‍നിന്ന് പിന്‍വലിക്കാനും ബാക്കിയുള്ള എല്ലാ ബാച്ചുകളും നശിപ്പിക്കാനും അധികൃതര്‍ ഉത്തരവിട്ടു.
