തിരുവനന്തപുരം: ആര്.എസ്.എസ് ആചാര്യന് ഗോള്വാള്ക്കര്ക്കെതിരെയുള്ള പരാമര്ശത്തില് പ്രതിപക്ഷ നേതാവിന് കോടതി നോട്ടീസയച്ചു. ആര്.എസ്.എസ് പ്രാന്ത സംഘ ചാലക് കെ.കെ.ബാലറാം നല്കിയ ഹര്ജിയിലാണ് കണ്ണൂര് പ്രിന്സിപ്പല് മുന്സിഫ് കോടതിയാണ് നോട്ടീസയച്ചത്. അടുത്ത മാസം 12ന് ഹാജരാകാനാണ് നിര്ദ്ദേശം.
ഗോള്വാള്ക്കറിന്റെ വിചാരധാര എന്ന പുസ്തകത്തില് ഭരണഘടന സംബന്ധിച്ച് സജി ചെറിയാന് പറഞ്ഞ അതേവാക്കുകള് കൃത്യമായി പറഞ്ഞിട്ടുണ്ടെന്നായിരുന്നു പ്രതിപക്ഷ നേതാവിന്റെ പ്രതികരണം. ഇതിനെത്തുടര്ന്ന് സജി ചെറിയാന് പറഞ്ഞ വാക്കുകള് വിചാരധാരയില് എവിടെയാണെന്ന് വ്യക്തമാക്കണമെന്നും അതിന് കഴിഞ്ഞില്ലെങ്കില് പ്രസ്താവന പിന്വലിക്കണമെന്നും ആര്.എസ്.എസ് നോട്ടീസയച്ചിരുന്നു. ഇല്ലെങ്കില് നിയമനടപടി സ്വീകരിക്കുമെന്നായിരുന്നു നോട്ടീസിലുണ്ടായിരുന്നത്. എന്നാല് നിലപാടില് ഉറച്ചുനില്ക്കുന്നെന്നും ഏത് നിയമനടപടിയും സ്വീകരിക്കാന് തയ്യാറാണെന്നും വി.ഡി സതീശന് പ്രതികരിച്ചിരുന്നു. ഇതിന് പിന്നാലെയാണ് ആര്.എസ്.എസിന്റെ പരാതിയില് കോടതി നോട്ടീസയച്ചത്.
